भांगरभूंय | प्रतिनिधी
लवाद सुधारणा कायद्यांतल्यो मुखेल तरतुदी रद्द
नवी दिल्ली, खबरां संस्था: सुप्रीम कोर्टान केंद्र सरकाराक धक्को दिवन लवाद सुधारणा कायदो, २०२१ तल्यो खुबश्यो म्हत्वाच्यो तरतुदी रद्द केल्यात. न्यायालया म्हणलें, संसद न्यायालयीन निर्णयांत बारीक बदल करून निरर्थक करपाक शकना. न्यायालयान लवाद वांगड्यांची नियुक्ती, कार्यकाळ आनी सेवा अटीं कडेन संबंदीत कलमांक असंवैधानीक थारयलें.
सरन्यायाधीश भूषण गवई आनी न्यायमुर्ती के. विनोद चंद्रन हांच्या खंडपीठान निकालांत म्हणलें, सरकारान ह्यान पयलीं भायर मारिल्ल्या अध्यादेशांतलींच कलमां नव्या कायद्यांत परत आसपावन घेतल्यांत. न्यायालयान मद्रास बार असोसिएशन आनी हेर याचिकाकर्त्यांचे युक्तिवाद स्वीकारत, लवादांतल्या नियुक्त्यां खातीर ५० उण्यात उणी मर्यादा अट आनी अध्यक्ष आनी वांगड्यां खातीर ४ वर्सांचो निश्चीत कार्यकाळ रद्द केलो. सोद समितीचीं दोन नांवां दिवपाची सक्तीय काडली, तशेंच केंद्राक ४ म्हयन्यांत नॅशनल लवाद कमिशन स्थापन करपाचे निर्देश दिले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
