भांगरभूंय | प्रतिनिधी
नवी दिल्ली, खबरां संस्था: संसदेचें पावसाळी अधिवेशन सोमारा सावन सुरू जातलें आनी तें १२ ऑगस्ट मेरेन चालू आसतलें. केंद्रीय अर्थमंत्री निर्मला सीतारामन मंगळारा अर्थसंकल्प सादर करतली. ह्या अधिवेशनांत नीट पेपर लीक हो प्रस्न, रेल्वे सुरक्षेचो प्रस्न अशे वेगवेगळे प्रस्न विरोधक सरकाराक विचारपाची शक्यताय आसा.
९० वर्सां आदल्या विमान कायद्यांत दुरुस्ती करपाच्या विधेयका सयत स विधेयक ह्या अधिवेशनांत मांडटले, ते भायर जम्मू-काश्मीराच्या संघराज्याच्या अर्थसंकल्पाक मान्यताय मेळपाची शक्यताय आसा.
संसदीय कामकाज मंत्री किरेन रिजिजू हांणी अधिवेशना मजगतीं खंयचे मुद्दे मांडपाचे आसात हें समजून घेवपाक संसदेंतल्या राजकीय पक्षांच्या फुडार्यांची बसका आपयल्या. सीतारामन सोमारा संसदेंत अर्थीक सर्वेक्षणूय मांडटली.
कामकाज सल्लागार समितींत सावंत
लोकसभेचे अध्यक्ष ओम बिर्ला हांणी कामकाज सल्लागार समिती स्थापन केल्या. सभाघराच्या कामकाजा विशीं ही समिती धोरण थारायतली. बिर्ला हांचे अध्यक्षते सकयले हे समितींत शिवसेना-ठाकरे गटाचे खासदार अरविंद सावंत हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
