भांगरभूंय | प्रतिनिधी
नतालिया लोपेझ गॅलार्डोः ‘मॅंटो द जेमास’ हिंसक रुपांचें सादरीकरण
भांगरभूंय । पीआयबी
पणजीः संवाद म्हणल्यार चित्रपटाचो पुराय सार आनी शेवट आसना, पूण तो चित्रपटाचो फक्त एक घटक आसता. आपल्याक हिंसक संवसाराच्या अपहरण, खून, मानवी तस्करी सगळ्या रुपांचें मानसशास्त्रीय नदरेंतल्यान सादरीकरण करपाचें आशिल्लें. मेक्सिकोच्या लोकांक वेदना दिवपी आनी एकठांय हाडपी जखमो आपल्याक पड्ड्याचेर सादर करपाच्यो आशिल्ल्यो, अशें अशें ‘मॅंटो द जेमास’ (हिऱ्यांचो कपडो) ह्या चित्रपटाची दिग्दर्शक नतालिया लोपेझ गॅलार्डो हांणी सांगलें. ती पीआयबीन आयोजीत केल्ले टेबल टॉक्स ह्या चर्चासत्रांत उलयताली.
चित्रपटाचें नांव आपणें वाचिल्ल्या पुस्तकांतल्या वाक्यप्रचारा वयल्यान सुचलें. आपले नदरेन हो चित्रपट म्हणल्यार, आयज काल आमी जें दुख्ख आनी शोकांतिकेचो विशय हासपाचेर व्हरतात तांकां बरे करचे खातीर एकवटीतपणाचो आनी इश्टागतीचो वापर करप. नतालिया म्हाका जेन्ना हो चित्रपट घेवन आपले कडेन आयली तेन्ना ती फक्त ह्या चित्रपटांतल्या जायत्या पात्रां मदलें एक पात्र इसाबेलाची काणी आशिल्ली. जसो जसो चित्रपट आकार घेवंक लागलो तसो तसो नतालियान हे कथेक सध्याचें रूप दिलें, अशें मेक्सिकन थ्रिलराचे निर्माते जोआकीन डेल पासो हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
