भांगरभूंय | प्रतिनिधी
नवी दिल्ली, खबरां संस्था ः आयज मेरेन सीएनजीचो पर्याय फकत चारचाकी वाहनां मदींच आशिल्लो. पूण आतां संवसारांतली पयली सीएनजी बायक लाँच जातली. बजाज ऑटोन बरी कामगिरी करीत सीएनजीचेर चलपी बायक तयार केल्या. बजाज पल्सर एनएस 400 च्या लाँच इव्हेंटांत कंपनीच्या वेवस्थापकीय संचालकान ही म्हायती दिल्या.
बजाज ऑटोचे वेवस्थापकीय संचालक राजीव बजाज हांणी बजाजाची पयली सीएनजी बायक अंदूं 18 जून दिसा भारतांत लाँच जातली अशीं म्हायती दिली. आतां ह्या दुचाकीक लागून पेट्रोला पसून सुटका मेळूं येता. ते भायर सीएनजी दुचाकेंत पेट्रोला परस बरे मायलेज मेळटले अशी आस्त आसा.
बजाज सीएनजी बायक कितलेशेच फावट चांचणी करतना पळोवपाक मेळ्ळा. चांचणे वेळार दिसपी सीएनजी दुचाकेंत डिस्क आनी ड्रम ब्रेक सेटअप तशेंच टेलीस्कोपीक फोर्क्स आनी फाटल्यान मोनोशॉक आशिल्लो. हाचे भायर सुरक्षे खातीर हे दुचाकेंत सिंगल चॅनल एबीएस वा कॉम्बी-ब्रेकिंग सिस्टीमचो आस्पाव आसूं येता.
ही बायक वेगवेगळ्या टप्प्यांनी लाँच करतले. पयलीं महाराष्ट्रांत आनी उपरांत सीएनजी स्टेशनां उपलब्ध आशिल्ल्या राज्यांनी सुरू करतले. प्रसार माध्यमांच्या खबरां प्रमाण हे सीएनजी रन दुचाकीचें नांव ब्रुझर 125 सीएनजी आसूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
