भांगरभूंय | प्रतिनिधी
नवी दिल्ली, खबरां संस्था ः संवसारांतली 3.6 टक्के लोकसंख्या म्हळ्यार 28 कोटी परस चड लोक आंतरराश्ट्रीय स्थलांतरीत आसात. हाचेच अर्थ तें जल्मल्लो देश सोडून हेर देशांनी रावपाक चड पसंत करतात. तातूंतले चडशे 47% क्रिस्तांव, 29% मुसलमान, 5% हिंदू, 4% बौध्द आनी 15% हेर लोक आसात. प्यू रिसर्चान संयुक्त राश्ट्रांचो डेटा, 270 जनगणना आनी सर्वेक्षणाचे विश्लेशण करून 2020 मेरेनचो हो आंकडो दिलां. फाटल्या तीन दशकांत स्थलांतरीत लोकांचो आंकडो 83 टक्क्या मेरेन वाडला.
मजगतीं संवसारांतली लोकसंख्या 47% वाडली. हो अंकडो वाडपा फाटल्यान 3 मुखेल कारणां आसात – झुज, अर्थीक संकश्ट आनी सैमीक संकश्टां. चडशे क्रिस्तांव मेक्सिकोचे आसून ते अमेरिकेंत स्थायीक जातात. चडशे मुसलमान सिरियांतल्यान सावदी अरेबियात वतात. हिंदू लोकां मदीं चडशे भारतीय लोक भारतांतच रावतात. 13% स्थलांतरीत लोक खंयचोच धर्म मानीनात. तें चडशे चीनांतले आसून अमेरिकेंत स्थायिक जाता. संवसारांतल्या वट्ट लोकसंख्येंत 30% क्रिस्तांव, 25% मुसलमान, 15% हिंदू, 4% बौध्द आनी 23% लोक खंयचोच धर्म माननात अशें आसात.
सध्या संवसारांत 1.35 कोटी हिंदू स्थलांतरीत आसात. तातूंतले 30 लाख (22%) भारतांत, 26 लाख (19%) अमेरिकेंत, 11 लाख (8%) संयुक्त अरब अमीरातांत, 9.40 लाख पाकिस्तानांत रावपाक गेले. हिंदू लोकां मदीं 76 लाख (57%) भारतांत, 16 लाख (12%) बांगलादेशांत, 15 लाख (11%), 5.6 लाख (4%) आनी 3.7 लाख (3%) थायलंडांत जल्मल्ले आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
