भांगरभूंय | प्रतिनिधी
न्यु जर्सी, खबरां संस्था: भारता भायर संवसारांतल्या दुसर्या सगळ्यांत व्हडल्या देवळांचें लोकार्पण 8 ऑक्टोबराक जातलें. अमेरिकेंतल्या न्युजर्सीच्या ह्या देवळाचें नांव ‘अक्षरधाम’ आसा. हें देवूळ 183 एकर जाग्याचेर आसा. स्वामीनारायण संस्थेन 12 वर्सांनी हें देवूळ उबारलां. हातूंत 10 हजार मुर्ती, वणटी आनी खांच्याचेर भारतीय वाद्यां आनी नृत्यरूपी आकृती कोरांतल्यात. हातूंत मुखेल देवूळ, 12 उप देवळां, णव कळस, 9 पिरॅमीड कळस आसात. ते कंबोडियांत 500 एकर जमनींत 12 व्या शेंकड्यांतल्या अंगकोरवट उपरांतचें संवसारांतलें दुसरें सगळ्यांत व्हड देवूळ जावन आसा.
देवळाचें आयुश्य 1000 वर्सां
ह्या देवळांत फातराचो सगळ्यांत व्हड तांतयाच्या आकाराचो घुमट आसा. ह्या देवळाचें आयुश्य 1000 वर्सां आसा. देवूळ बांदपाक सुमार 20 लाख चौखण फूट फातराचो उपेग केला. हे फातर बल्गेरिया, तुर्कस्तान, ग्रीस, इटली, भारत, चीन तशेंच युरोप, आशिया, लॅटीन अमेरिकेंतल्यान हाडटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
