भांगरभूंय | प्रतिनिधी
नवी दिल्ली, खबरां संस्था ः संवसारांतल्या 50 उत्कृश्ट नाश्त्याच्या पदार्थांच्या वळेरेंत मसालेदार ‘मिसळी’न सुवात मेळयल्या. नामनेचो खाणां मार्गदर्शक ‘टेस्ट अॅटलास’न नाश्त्याची जागतीक क्रमवारी जाहीर केल्या. तातूंत भारतीय मिसळ अठराव्या क्रमांकाचेर आसा.
हे क्रमवारींत रुची परस थळाव्या संस्कृतायेक जोडपी पदार्थांक प्राधान्य दिल्लें. संवसारभरांतले नागरिक ह्या पदार्थान आपलो दीस सुरू करतात. जून 2025 च्या क्रमवारी प्रमाण, संवसारांतल्या पयल्या 50 पदार्था मदीं तीन भारतीय पदार्थ आसात. हे वळेरे प्रमाण महाराष्ट्रांतली मिसळ-पाव अठराव्या क्रमांकाचेर आसा. जाल्यार पराठा 23 व्या क्रमांकाचेर आनी दिल्लीचे फामाद छोले भटुरे 32 व्या क्रमांकाचेर आसा.
टेस्ट अॅटलासाच्या वळेरेंतल्या शंबर पदार्थां मदीं श्रीखंड आनी पालक पनीर हांचो आस्पाव आसा. महाराष्ट्रांतल्या मिसळीची तोखणाय करतना ती मसालेदार आसूंक जाय अशें ‘अटलास’न सांगलें. हे वळेरेत पराठा आनी छोले भटुले हे हेर दोन पदार्थ मुखेलपणान उत्तर भारतांतले आसात. पूण देशांतल्या हेर वाठारांनीय तांकां तितलीच मागणी आसा. छोले भटुले सगळे कडेन, खास करून दिल्ली वाठारांत चड फामाद.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
