संवसारांतलो सगळ्यांत व्हडलो सौर प्रकल्प सुरू
भांगरभूंय | प्रतिनिधी
मुंबय, खबरां संस्था ः अदानी ग्रीन एनर्जी लिमिटेड कंपनीन गुजरातांतल्या खवडा हांगा 551 मेगावॅट सौर तांकीचो प्रकल्प सुरू केला. आतां ही कंपनी नॅशनल ग्रिडाक वीज पुरवण करता. कंपनीचे हे घोशणे उपरांत अदानी ग्रीन एनर्जीच्या शेअरांत वाड जाल्या.
आयच्या वेपारांत अदानी ग्रीन एनर्जीच्या शेअरांत 4 टक्क्यांनी वाड जाल्या. आतां कंपनीचे शेअर 1.54 टक्क्यांनी वाडून 1,843.45 रुपयांचो वेव्हार करता. अदानी ग्रीन एनर्जी लिमिटेड ही सगळ्यांत व्हडली अक्षय ऊर्जा (RE) कंपनी जाल्यार संवसारांतली दुसरी व्हडली सौर पीव्ही विकसीत कंपनी आसा.
गौतम अदानी हांणी एक्सचेर पोस्ट शेअर करून बरयलें, ‘अदानी ग्रीनान 551 मेगावॅट सौर उर्जा सक्रिय करून संवसारांतल्या सगळ्यांत व्हडल्या अक्षय ऊर्जा प्रकल्पाची पयली क्षमताय सुरू केल्या हांची आमकां खोश आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
