भांगरभूंय | प्रतिनिधी
बिजींग, खबरां संस्था: चीनान तिबेटांत ब्रह्मपुत्रा न्हंयेचेर (चीनच्या यारलुंग त्सांगपो) संवसारांतल्या सगल्यांत व्हड धरणाचें बांदकाम सुरू केलां. चीनाचे प्रधानमंत्री ली केकियांग हांणी शेनवारा तांचें उक्तावण केलां.
ताचें वट्ट मोल सुमार १६७.८ अब्ज (सुमार १२ लाख कोटी रुपया) आशिल्ल्याचें सांगता. अरुणाचल प्रदेशच्या शीमेवेल्या न्यिंगची शारांत हें धरण बांदतात. भारत आनी बांगलादेश दोगांनीय हे विशीं हुस्को उक्तायला.
चीनच्या अधिकृत वृत्तसंस्थे प्रमाण, ह्या प्रकल्पांत पांच कॅस्केड जलविद्युत केंद्रां आसतलीं. ह्या प्रकल्पांतल्यान दर वर्सा ३०० अब्ज किलोवॅटा परस चड वीज निर्मिती जातली. ही वीज ३० कोटी लोकांची गरज पुराय करपाक शकता.
धरण तिबेटी पठाराचे उदेंत कांठार हिमालयांतल्या रूंद देगणांत बांदतले. ह्या वाठारांत परत परत भूंयकांप जावपाची शक्यताय आसा. धरण बांदल्यार पर्यावरण यंत्रणेचेर चेंपण येवंक शकता आनी ताका लागून जायते अपघात जावंक शकतात. भारतांत येवपी ब्रह्मपुत्रा न्हंयेचें उदक उणें जावपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
