भांगरभूंय | प्रतिनिधी
संवसारांत दरेक नाण्यांचे वेगवेगळे खाशेलपण आसा. तशेंच तांचो वेगवेगळो म्हत्व आसा. संवसारांतल्या सगळ्यांत चड म्हारग आनी मोलादीक नाण्यांची म्हायती पळोवया. व्हड दरान ह्या नाण्यांची विक्री जाल्या.
१. अमेरिकेंचें फ्लोइंग हेयर सिल्वर कॉपर डॉलर (Flowing Hair dollar)
अमेरिकेंचें फ्लोइंग हेयर सिल्वर कॉपर डॉलर हें संवसारांतलें एक म्हारग नाणें. ह्या नाण्यांचो 2013 वर्सा लिलाव जाल्लो. त्या काळांतलें हें सगळ्यांत म्हारग नाणें आशिल्लें. अमेरिकेन 1792 वर्सा अशीं नाणीं तयार करपाक सुरवात केल्ली. फकत दोन वर्सां खातीर हीं नाणीं तयार केल्ली. हें नाणें सुमार 75 कोटी रुपयांक विकलां.
२. डबल ईगल (Double Eagle)
डबल ईगल नाणें 1933 वर्सा अमेरिकेंत जारी जालें. उपरांत ह्या नाण्यांचेर राष्ट्राध्यक्ष रुझवेल्ट हांणी बंदी घाली. आयज हें नाणें आसप बेकायदेशीर आसा. ताका रोखडेंच जप्त करपाचो अधिकार आसा. ह्या नाण्याचो दर सुमार 57 कोटी रुपया आसा.
३. सेंट-गॉडन्स डबल ईगल नाणें (Saint-Gaudens Double Eagle Coin)
सेंट गॉडन्स डबल ईगल नाणें 1907 वर्सा जारी जालें. संवसारांतल्या सगळ्यांत म्हारग नाण्यांमदीं ताची गणना जाता. ह्या नाण्याचो दर सुमार 57 कोटी इतलो आसा.
४. ब्रशर डबलून नाणें (Brasher Doubloon coin)
ब्रशर डबलून लेगीत एक म्हारग आनी मोलादीक नाणें. हें नाणें 1787 वर्सा जारी केल्लें. ताची किमंत सुमार 55 कोटी रुपया इतली आसा.
५. एडवर्ड III फ्लोरिन (Edward III florin)
संवसारांतलें पांचवें मोलादीक आनी म्हारग नाणें म्हळ्यार एडवर्ड III फ्लोरिन आसा. हें नाणें 1343 वर्सा चलनांत आयिल्लें. ह्या नाण्याचें मोल 50.49 कोटी रुपया आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
