भांगरभूंय | प्रतिनिधी
भारतांत 6.35 कोटी लोकांक संधिवात, संवसारभर 5 कोटी दुयेंती
न्यूयॉर्क, खबरां संस्था ः संवसारभर संधिवाताचे 100 परस चड प्रकार आसात. तातूंतलो सगळ्यांत चड सामान्य म्हळ्यार ऑस्टियोआर्थरायटिस आसा. ह्या दुयेंसाक लागून दुयेंती सुमार 73% लोक 55 वर्सां वयले आनी 60% बायलो आसात. संवसारांत हाचे 36.5 कोटी दुयेंती आसात. खाटीवयल्यान उठतना वा बसतना धोंपरांक वा सांध्यांक दुखल्यार हीं संधिवाताचीं सुरवातीचीं लक्षणां आसूं येतात.
संवसारभर कोट्यांनी दुयेंती आसात आनी हजारांनी संशोधन जाले तरी ह्या दुयेंसाचेर वखद मेळूंक ना. आतां ड्यूक युनिव्हर्सिटीच्या हालींच्या संशोधनांतल्यान ह्या दुयेंसाची एक म्हायती मेळ्ळ्या. संशोधनाच्या मतान ह्या दुयेंसाची सुरवातेची लक्षणां 8 वर्सां पयलींच ती सुरु जाता. ड्यूक विद्यापिठांतल्या संशोधकांनी 200 ब्रिटीश बायलांचेर केल्ल्या नव्या संशोधनात, बायलांक संधिवात जावचे आठ वर्सां आदीं तांच्या रगतांत आनी हाडांत बदल जाल्ल्याचें दिसून आयलें.
संशोधन संबंदीत आनी ड्यूक विद्यापिठांतल्या वैजकी विभागाचे प्रा. डॉ. व्हर्जिनिया बायर्स क्रॉस हांच्या म्हणण्या प्रमाण आमच्या संशोधनांतल्यान मेळिल्ले सोद ह्या दुयेंसाचेर फुडल्या संशोधनाक मार्गदर्शन करतले. हो दुयेंस जाल्ल्याचें कळटा म्हणसर तो मेरेन तुमच्या सांध्यांक खूब लुकसाण जाल्ले आसता. डब्ल्यूएचओच्या म्हणण्या प्रमाण भारतांतले 6.35 कोटी लोकांक ह्या दुयेंसाचे लागण जाला. 1990 वर्सा हो आंकडो 2.5 कोटी आशिल्लो. दुसरे वटेन संधिवाताच्या दुयेंतींची संख्या 50 कोटी परस चड आसा. 1990 सावन संधिवाताच्या दुयेंतींत 113% वाड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
