भांगरभूंय | प्रतिनिधी
पणजीः सांगेंतल्या संगमपूर भौशीक गणेशोत्सव मंडळाच्या महाप्रसाद सोर्तींचें उक्तावण सांगेंचे आमदार सुभाष फळदेसाय आनी कुडचड्यांचे आमदार निलेश काब्राल हांणी केलें. अंदूंय मंडळान आकर्शक इनामां जाहीर केल्या. पयलें इनाम 2BHK फ्लॅट + 35 लाख आनी दुसरें इनाम 2BHK फ्लॅट + 29 लाख 50 हजार आसा.
20 भव्य इनामां मदीं जायत्यो गाडयो आनी हेर मोलादीक वस्तूं आसपावीत आसात. दर वर्सा वाडत वचपी प्रतिसादाक लागून अंदूं लॉटरी तिकेटेंत वाड केल्या. आनी फाटल्या वर्सा 1 लाख तिकीटां परस अंदूं 1.5 लाख तिकीटां छापल्यांत.
विशेश म्हणल्यार सोर्तींतल्या मेळपी पयशांतलो एक भाग श्री पाईक देवस्थानाच्या चालू आशिल्ल्या देवूळ बांदकामा खातीर दितले अशें मंडळान जाहीर केलां. फाल्यां 10 ऑगस्टा सावन सकाळीं 9 वरांचेर सांगेंच्या नगरपालिकेच्या सभाघरांत ह्या लॉटरी तिकीटांची विक्री सुरू जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
