संकल्प…

भांगरभूंय | प्रतिनिधी

नव्या वर्सा सावन हांव खुशाल जातलों असोय आमी संकल्प करूं येता. फाटल्या वर्साच्या दर एका खिणाक उपकार मानून नव्या वर्सा खुशाल जावपाक आमकां आवडटात तीं कामां करपाची येवजण करूं येता.

दर वर्सा प्रमाण ह्या वर्साय जायत्या जाणांनी नवें वर्स 2024 सुरू जावचे पयलीं नव्या वर्साचे संकल्प केल्यात. वर्साच्या पयल्या दिसा नव्या वर्साचो थाराव करतात, पूण कांय दिसां भितर तो दवरप बंद करतात असो प्रॉब्लेम जायत्या जाणांक जाता. पूण पयलीं ल्हान ल्हान ध्येय साध्य करपाचो यत्न करप खूब गरजेचें. तुमी सहजपणान साध्य करपाक शकतात अशीं ध्येयां तयार करात. मुखार येवजण करात आनी एका वेळार एका ध्येयाचेर लक्ष केंद्रीत करात. अशें केल्यार तुमकां वर्साचे ध्येय साध्य करपाक सोयीचें जातलें
पुस्तकांक वेळ दिवचो पुस्तकां सदांच मनशाचो मार्गदर्शक, इश्ट आनी शिक्षक जावन आसात. त्या वेळार नव्या वर्साच्या दिसा मेरेन एका वर्सात उण्यांत उणीं 10 ते 12 पुस्तकां सोंपतात हाची खात्री करात. विस्वास दवरात, पुस्तकां तुमकां खूब मानसीक शांती दितलीं. परत एक नवें वर्स वाट पळयता तुमी हात उगडून कविता घेवपाची. आमच्या जिविताचो दर्जो आमी तो कसो मान्य करतात ताचेर आदारून आसता.
चड करून सगळे संकल्प वजन उणें करपाक वा शारिरीक रितीन फीट जावपाक करतात; पूण मनाक सशक्त करपी संकल्प केल्यार कितें? मन घट जालें जाल्यार? देखीक, बेगीन प्रतिक्रिया दिवप, राग नियंत्रीत करप, संबंद सुदारप, स्वताक व्हड करप ना, फाटल्या आघातकारक घडणुकांक सोडून फुडें वचप अशे आसात.
एक वा दोन भोव म्हत्वाच्या थारावांक प्राधान्य दिवन निर्णय घेवप, थाराव थारायले उपरांत म्हाका कितें आडमेळीं येतली? थंय मन कशें नियंत्रीत करूं येता? येवपी आडखळ कशी टाळूं, कोणा कडल्यान मजत घेवंक शकता. तेच बरोबर म्हाका मेळपी सैमीक वस्तू पुरायपणान मान्य करून तांचो चडांत चड वापर कसो करचो हाची येवजण करतां. तुमी खंयच्यो चुको करपाची शक्यताय आसा, तीं कशीं आनी कितलीं टाळूं येतात हाची वळेरी आसप गरजेचें. अशी पुराय बरयिल्ली वळेरी तयार केल्यार तो थाराव पुराय करपा खातीर चडांत चड यत्न करूं येतात. खरेंच इतलेंच करूं येता. एक घटमूट आनी सकारात्मक संकल्प करप आनी तें सांबाळप केन्नाच सोंपें न्हय. ताका समर्पण आनी जिद्द जाय पडटा.
नव्या वर्सा सावन हांव खुशाल जातलों असोय आमी संकल्प करूं येता. फाटल्या वर्साच्या दर एका खिणाक उपकार मानून नव्या वर्सा खुशाल जावपाक आमकां आवडटात तीं कामां करपाची येवजण करूं येता. जेन्ना आमी भितरल्यान कितेंय थारायतात वा मनाक आव्हान दितात, की हांवें हें करचें पडटलें, तेन्ना आमी कारणां दिना. कारण मागीर तें आमी स्वताक दिल्लें आव्हान.
नव्या वर्साक सुरवात जाल्या. फाटल्या वर्सांनी कांय सपनां अर्दकुटीं जालीं जाल्यार तीं ह्या वर्सा पुराय करचीं पडटलीं. भलायकेचेर लक्ष केंद्रीत करपाक जाय. समाजीक वचनबद्धताय तिगोवन दवरपाची आसता. समाजांत जें चुकीचें आसा ताचे आड आमी एकवटीत जावंक सोदतात. नव्या वर्साचे सुरवेक जायते जाण अशे संकल्प करपाक शकतात.
नव्या वर्साक येवकार दितना दरेकल्यान दुसर्‍याच्या जिवितांत सूख पातळावपाचो संकल्प करचो. फक्त स्वता कडेन पळोवपाची वृत्ती सोडून एक व्यापक सुवात वळखून घेवप… आमच्या जिविताच्या काळांत आमकां सांगात दिवपी साथिदार, आमचे कडेन थेट संबंद नाशिल्ल्या, पूण तांच्या व्यक्तिमत्व आनी कार्यावळींचो आमचेर प्रभाव पडला. आमी सांबाळपाचो यत्न करपाक शकपाक जाय अशें म्हाका प्रामाणीकपणान दिसता.
नवें वर्स म्हणल्यार नवी संद, नवी आस्त आनी नवो संकल्प पूण हो संकल्प वर्सभर तिगोवन दवरपा खातीर धीर आनी जिद्द जाय. दर खेपे थाराव व्हड आसचो अशी गरज ना, ल्हान संकल्प चड करून तुमकां आनी तुमच्या इश्टांक उपेगी पडटात. जें आमच्या जिविताक सकारात्मक नदर दिता. जगपाक बळ दिता.

गौरी भालचंद्र
9422373926