श्लोकार्थ

भांगरभूंय | प्रतिनिधी

1. न चोरहार्य न राजहार्य न
   भ्रतृभाज्यं न च भारकारि ।
   व्यथे कृते वर्धति एव नित्यं
   निद्याधनं सर्वधन प्रधानम् ।।

समजावणी –
चोर चोरपाक शकना, राजा बळान घेवपाक शकना, ताचे भावां मदीं वांटे घालपाक जायना आनी सांबाळपाक जड न्हय. ते खातीर, खर्च करतकच वाडटा अशें विद्यारुपी धन हें सगल्या धना परस श्रेश्ट.
विद्ये सारकें दुसरें धन ना. विद्या चोरपाक मेळना. तिचे वांटे घालपाक मेळना. ती वांटल्यार वाडटा. सांबाळपाक जड न्हय. तिचें मोल करूं नजो म्हूण ती मोलादीक. देखून ती श्रेश्ठ.

2. जलबिन्दुनिपातेन क्रमशः पूर्यते घटः ।
   स हेतुः सर्वविद्यानां धर्मस्य च धनस्य च ॥

समजावणी –
उदकाच्या थेंब्या थेंब्यान, हळू हळू घडो भरता. सगल्यो विद्या, धर्म आनी धनाचे बाबतींत हेंच लागू जाता.
खंयचीय बरी गजाल ही एकदम सांठना. उदकाचो घडो हो हळू हळू भरता. तशीच खंयचीय विद्या ही खूब वर्सां शिकून मेळोवपाची आसता. शिस्तीन जगतकच मनशाक धर्माचें पुराय ज्ञान
मेळटा आनी कश्टान कमयल्लो पयसो हो हळू हळू सांठटा. जें रोखडेंच मेळटा वा सांठटा तें रोखडेंच ना जाता.

संपदा कुंकळकार
9850149319