भांगरभूंय | प्रतिनिधी
ताळगांवां आयोजन, सगल्यांक मुफत प्रवेश
भांगरभूंय । प्रतिनिधी
पणजी : दक्षीण भारतांतले नामनेचे मॅडिटेशन गुरू श्री सत्यमामुनी स्वामीयाल हांच्या उपस्थितींत महासंजीवनी मुफत मेटिडेशन शिबीर ताळगांवच्या डाॅ. श्यामाप्रसाद मुखर्जी स्टेडियमाच्या सभाघरांत 25 जून दिसा सकाळीं साडेणवांक आयोजित केलां.
आयच्या धांवपळीच्या काळांत सुख, शांती आनी समाधानाची गरज आसा. हे खातीर अध्यात्म आनी मेडिटेशन गरजेचें थारता. ध्यान मनशाक अध्यात्मिक भलायकी दिवपाक शकता. खूब खावप, न्हिदप अशो वायट संवयी मनशाक आसतात. ध्यानाक लागून अध्यात्मिक उर्जा मेळटा. ताका लागून आपोआप ह्यो वायट संवयी पयस वतात. पूण लोकांक हाची सुरवात कशी करची आनी मार्गदर्शन खंय मेळटलें हाचें ज्ञान नासता. हेच गजालीचो विचार करून स्वता दिव्यत्वाचे तेज आशिल्ले दक्षीण भारतांतले प्रसिद्ध मेडिटेशन गुरु श्री सत्यमामुनी स्वामीयाल हांचे उपस्थितींत महासंजीवनी मेडिटेशन शिबीर तेंय फुकट आयोजित केलां.
ह्या मुफत शिबिराचो समाजाच्या सगल्या थरां वयल्या लोकांक लाव घेवपाक मेलटलो. शिबीर बऱ्याच मानेस्तांच्या उपस्थितींत घेतले. ते मुफत आसा. उपस्थित लोकांच्या जेवणाची तजवीजूय शिबीर थळाचेर केल्या.
मेडिटेशन शिबीर मुफत आसून मेजक्याच लोकांक घेतले, ताका लागून नांवनोंदणी करप बंधनकारक आसा. शिबिरांत वांटेकार जावपाक सोदपी व्यक्तींनी फुडल्या मोबायल फोन क्रमांकाचेर संपर्क करचो- 9284265984, 9011043385, 8999660656, 9834779908.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
