भांगरभूंय | प्रतिनिधी
भांगरभूंय । प्रतिनिधी
म्हापशेंः गणेशपुरी- म्हापशें हांगच्या विद्या भारती सेवा संचलीत श्री गणेश उच्च माध्यमीक विद्यालयाचो बारावेचो निकाल 97 टक्के लागलो. वाणिज्य फाट्यांत हिमांशू कुमार 89 टक्क गुण घेवन विद्यालयांत पयलो आयलो. जमीर होम्बली आनी मनिषा जितेश प्रजापती हाणी दरेकी 86 गुण मेळोवन दुसरो आनी तिसरो नंबर मेळयलो. कला फाट्यांत सबिराज युसूफ मुल्ला हें 82 टक्के गुणांनी पयलें आयलें.
कला फाट्यांत समीर हुसेन कलडगी (77 टक्के), .दिव्या मोहन नायक (65 टक्के) हाणी दुसरो आनी तिसरो नंबर मेळयलो. विद्यालयाचे पांच विद्यार्थी विशेश श्रेणींत 24 जाण पयले श्रेणीत आनी 41 जाण दुसरे श्रेणींत पास जाले.
खासगी शिकवणी वर्गांत वचनास्तना विद्यार्थ्यांनी शिक्षकांच्या मार्गदर्शना खाला मेळयल्ल्या ह्या येसा खातीर विद्या भारती गोंयचे अध्यक्ष डॉ सीताराम कोरगांवकार, वेवस्थापन समितीचो अध्यक्ष प्रा. ज्ञानेश्वर पेडणेकार, वेवस्थापक पुरुषोत्तम कामत, प्राचार्य गजानन मांद्रेकार, पालक-शिक्षक संघाचो अध्यक्ष राजेंद्रकुमार तारकार, आदलो अध्यक्ष धर्मानंद नायक, आदल्या विद्यार्थी संघटनेचो अध्यक्ष राधाकृष्ण साळगांवकार हांणी विद्यार्थी आनी शिक्षकांक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
