भांगरभूंय | प्रतिनिधी
भांगरभूंय । प्रतिनिधी
काणकोणः राष्ट्रीय पंचायत दिसा निमतान काणकोण बीडीओ कार्यालया वतीन श्रीस्थळ पंचायत सभाघरांत आयोजीत केल्ल्या जाग्रुती मेळाव्याचें सभापती रमेश तवडकार हांचे हस्तुकीं उक्तावण केलें. पंचायत संचालनालया वतीन व्हो मेळावो आयोजीत केल्लो.
मेळाव्याच्या उक्तावणाक पैंगीणची सरपंच सविता तवडकार, आंगोद पंचायत सरपंच फातिमा रॉड्रिग्ज, खोतीगांवचो सरपंच आनंदू देसाय हाजीर आशिल्ले. कार्यावळीचें संचलन शिरीष पै हाणे केलें. म्हालवाडो- पैंगीण हांगच्या महिला मंडळाच्या बायलांनी येवकार गीत सादर केल्या उपरांत आनंदू देसायान सगल्यांक येवकार दिलो. बीडीओ अनिल नायकान सोरऱ्यांक फुलां तुरे भेटयले जाल्यार श्रीस्थळ पंचायत सरपंच सेजल गांवकारान निमाणे सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
