भांगरभूंय | प्रतिनिधी
संवसारीक वन डे क्रिकेट सर्तीचे पात्रताय फेरयेंतले 19वे मॅचींत श्रीलंका पंगडान स्कॉटलॅण्डाक 82 धांवड्यांनी हारयलो. स्कॉटलॅण्डान टॉस जिखून पयलीं बॅटींग करपाचो निर्णय घेतलो. आपल्या मुखेल्यान घेतिल्लो निर्णय योग्य थारायतना स्कॉटलॅण्डाच्या बॉलरांनी उत्कृश्ट प्रदर्शन करतना श्रीलंकेचो डाव 49.3 ओव्हरींनी 245 धांवड्यांचेर आडायलो. पूण, धांवड्यांचो फाटलाव करतना स्कॉटलॅण्डाची बॅटींग गडगडली. क्रिस ग्रिव्हज (56) हाका सोडलो जाल्यार एकाय बॅट्समनाक व्हड खेळी करपाक जमली ना.
मजगतीं, ह्या जैतान श्रीलंकेन दोन म्हत्वाचे गूण मेळयले. श्रीलंकेची लेगीत सुरवात बरी जाली ना. 43 धांवड्यांचेर ताणें दोन म्हत्वाचे बॅट्समन वगडायिल्ले. पूण, पथुम निसांकान 75 धांवड्यांची उत्कृश्ट खेळी केली. ताचे खेरीत चारिथ असलंकान 63 धांवड्यांचें योगदान दिलें. ह्या दोगांक सोडले जाल्यार हेरांक व्हड खेळी करपाक जमली ना. स्कॉटलॅण्डा वतीन मार्क वॅटान तीन आनी ग्रिव्हजान 4 विकेटी घेतल्यो.
मोखीचो फाटलाव करपी स्कॉटलॅण्डाक 29 ओव्हरींनी 163 धांवड्यो करप शक्य जाल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
