भांगरभूंय | प्रतिनिधी
नवी दिल्ली, खबरां संस्था ः रिलायन्स कंझ्युमर प्रॉडक्ट्सान श्रीलंकेंत भारतीय पेय ब्रँड ‘कॅम्पा’ लाँच केला. हे खातीर कंपनीन ‘एलिफंट हाऊस’ ब्रँडचे निर्माते ‘सीलोन कोल्ड स्टोअर्स’ हांचे कडेन हातमेळोवणी केल्या. आतां श्रीलंकेच्या गिरायकांकय परवडपी दरांत ‘कॅम्पा’चो आस्वाद घेवंक मेळटलो. श्रीलंकेंतल्या कॅम्पा पोर्टफोलियोंत कॅम्पा कोला, लेमन, ऑरेंज तशेंच कॅम्पा एनआरजी गोल्ड बूस्ट आनी बेरी किक सारकिल्ले पेय आसतले. 250 मिलिलीटर बाटलेचें मोल 100 रुपया अशें थारायलां.
रिलायन्स कंज्युमर प्रोडक्ट्स लिमिटेडचे कार्यकारी संचालक केतन मोदी हांणी म्हणलें, आमच्या मुखेल भागीदार ‘एलिफंट हाऊस बेव्हरेजेस’ वांगडा श्रीलंकेच्या बाजारांत प्रवेश करपाक आमकां खोस जाता. ‘कॅम्पा’ हो 50 वर्सां परस चड काळा पयलीं स्थापन जाल्लो एक पोरणो भारतीय ब्रँड, जो गिरायकांची पयली पसंती आसा. आमी दीर्घकाळ गुंतवणूक करपाक कटिबद्ध आसात आनी ह्या जाग्यार नेटान वाड करपाची व्हड संदी पळयतात. गिरायकांक योग्य आनी परवडपी दरांत उत्कृश्ट आनी संवसारीक दर्जाचीं उत्पादनां दिवपाचो आमचो उत्तम विक्रम आसा अशेंय तांणी सांगलें.
श्रीलंकेंतलें ‘सीलोन कोल्ड स्टोअर्स’ ही प्रत्यक्षांत ‘जॉन कील्स’ गटाची सहाय्यक कंपनी आसा. कॅम्पाच्या उक्तावण सुवाळ्यांत उलयतना जॉन कील्स कंज्युमर फूड्स सेक्टराचे अध्यक्ष दामिंदा गमलाथ हांणी सांगलें, “रिलायन्स कंज्युमर प्रोडक्ट्स ह्या मुखेल जागतीक संघटने वांगडा कॅम्पा बेव्हरेज्स श्रीलंकेंत हाडपा खातीर सहकार्य करतना अभिमान दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
