भांगरभूंय | प्रतिनिधी
आंतरराष्ट्रीय क्रिकेट समितीन (आयसीसी) श्रीलंका क्रिकेट मंडळाचें वांगडीपद तात्काळ प्रभावान निलंबीत केलां. श्रीलंकेच्या सरकाराचो मंडळांत हस्तक्षेप वाडिल्ल्यान ही कारवाय केल्या. आयसीसीन काल घेतिल्ले बसकेंत हो निर्णय घेतला.
बसकेंत श्रीलंका क्रिकेट मंडळाचेर गंभीर आरोप केले. श्रीलंका क्रिकेट मंडळान आयसीसीचो एक वांगडी म्हणून आपल्या जबाबदारींचें उल्लंघन केला अशें लेगीत आयसीसीन म्हणला.
विशेशतः ह्या श्रीलंका क्रिकेट मंडळाच्या वेव्हारांत स्यायत्तपणान वेवस्थापन जावप अपेक्षीत आसतना मंडळाच्या प्रशासनांत सरकारी हस्तक्षेप तर जायना न्हय. हाची खात्री करप गरजेचें आशिल्ल्याचें आयसीसीन म्हणलां.
आयसीसीची फुडली बसका 18 ते 21 नोव्हेंबराक जातली. श्रीलंका क्रिकेट मंडळा विशीं मुखार निर्णय घेवपा विशीं हे बसकेंत चर्चा जातली. पूण, निलंबीत केल्ल्यान श्रीलंका पंगडाक व्हड लुकसाण जावंक ना. कारण डिसेंबर मेरेन श्रीलंका एकूय आंतरराष्ट्रीय मॅच खेळपाचो ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
