भांगरभूंय | प्रतिनिधी
नवी दिल्ली, खबरां संस्था: अयोध्येक २२ जानेवारीक जावपी श्रीराम प्राणप्रतिष्ठापना सुवाळ्या निमतान केंद्रीय कार्यालयांनी काम करप कर्मचार्यांक अर्द्या दिसाची सुटी जाहीर केल्या. त्या दिसा सकाळीं ९.३० ते दनपरां २.३० वरां मेरेन तांकां सुटी आसतली. आयज हे संबंदी आदेश केंद्रीय कार्मिक मंत्रालयान जारी केला.
श्रीराम प्राणप्रतिष्ठापना सुवाळ्याचें प्रक्षेपण अमेरिके सयत ५० देशांनी करतले. हो धर्मीक सुवाळो पळोवपाक मेळचो देखून गोंय, छत्तीसगड, हरियाणा, उत्तरप्रदेश आनी मध्यप्रदेश ह्या पांच राज्यांनी आपल्या (सरकारी) कर्मचार्यांक आनी शिक्षणीक संस्थांक पुराय दीस सुटी जाहीर केल्या. आतां केंद्र सरकारान आपल्या कर्मचार्यांक अर्द्या दिसाची सुटी जाहीर केल्या. ह्या काळांत अयोध्येंतलो सुवाळो पळोवपा वांगडा घरांत आनी लागसारच्या देवळांनी धर्मीक कार्यावळींनी वांटेकार जावपाक मेळचें देखून ही सुटी जाहीर केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
