भांगरभूंय | प्रतिनिधी
गोंय महिला मंचाची पर्यटन खात्या कडेन कागाळ
मडगांवः 25 ते 28 डिसेंबर 2025 मेरेन गोंयांत आयोजीत केल्ल्या ‘टेल्स ऑफ कामसुत्रा अॅण्ड ख्रिसमस सिलेब्रेशन’ ह्या प्रस्तावित कार्यावळीचेर गोंय महिला मंचान हरकत घेतला. पर्यटन खात्याक पत्र बरोवन कारवाय करपाची मागणी केल्या.
गोंय महिला मंचान पर्यटन विभागाचे संचालक केदार नायक हांकां बरयल्ल्या पत्रांत म्हणलां, गोंयांत अशा कार्यावळींक तेंको दिवपाचो निशेध करता. अशा कार्यावळींक लागून गोंयाक लैंगिक पर्यटन थळ म्हणून नामना मेळटली आनी कुटुंबीक पर्यटन थळ म्हूण गोंयची प्रतिमा प्रतिमा इबाडली.
गोंयची प्रतिमा इबाड करपाचे फाटभुंयेर गोंय पुलिसांनी गुन्यांव दाखल करून भगवान श्री रजनीश फावंडेशनाच्या कार्यावळींचो सोद घेवपा खातीर आनी ह्या प्रस्तावीत कार्यावळीचें स्थळ वळखुपा खातीर गोंय पुलिसांनी बेगोबेग हस्तक्षेप करपाची मागणी केल्या. जातूंत ह्या कार्यावळींत रावपा खातीर आनी जेवणा खातीर 24,995 रुपया घेतात.
गोंय महिला मंचान पर्यटन खात्याक दिल्ल्या पत्राची प्रती मुखेल सचीव, संबंदीत जिल्होधिकारी, गोंय पुलीस संबंदीत जिल्हो एसपी, गोंय राज्य महिला आयोगाचे अध्यक्ष आनी संचालक एआरझेड एनजीओ हांकां धाडून कारवाय करपाची मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
