भांगरभूंय | प्रतिनिधी
18 मार्च सावन गोंयाक, कर्नाटकाक दितले भेटी
मडगांव: श्री संस्थान गोकर्ण पर्तगाळी जीवोत्तम मठाधीश परम् पुज्य श्रीमद् विद्याधीश तीर्थ श्रीपाद वडेर स्वामीजी 18 जानेवारी 2026 सावन कर्नाटक आनी गोंयांत संचारार्थ पर्तगाळी मठांतल्यान प्रयाण करतले.
18वेर पर्तगाळी सावन हेरवट्टा कुमठा हांगाच्या श्रीदेवकी कृष्ण महालक्ष्मी रवळनाथ प्रयाण करतले. थंयच्या 25व्या प्रतिश्ठा वर्धापन दीस उत्सवांत हाजीर रावतले. थंय सावन 22 जानेवारी दिसा कुमठा हांगासरल्या श्रीव्यंकटरमण मठांत प्रयाण करतले. थंय वर्सुकी रथोत्सवाक हाजीर रावलते. 28 जानेवारीक कुमठा सावन शिरोडें (गोंय) हांगाच्या श्रीकामाक्षी मंदिरांत प्रयाण करतले. थंय तांचो पांच दिसांचो राबितो आसतलो.
2 फेब्रुवारी दिसा शिरोडें सावन मुलकोण सोन्यावर हांगासरल्या श्री मुख्य प्राण लक्ष्मीव्यंकटेश मंदिरांत प्रयाण करतले. थंय वर्सुकी रथोत्सवाक हाजीर रावतले.
स्वामींचे हस्तुकीं रजत पालखी आनी द्वार समर्पीत करपाचो सुवाळो जातलो. थंय सावन पर्तगाळी प्रयाण करतले. 12 फेब्रुवारी दिसा पर्तगाळी सावन फोंड्यां रामनाथी हांगासरल्या श्रीरामनाथ देवस्थानांत प्रयाण आनी मुक्काम आसतलो. थंय वर्सुकी शिवरात्री उत्सवाक हाजीर रावतले. 22 फेब्रुवारी दिसा रामनाथी सावन सागर हांगासरल्या श्रीलक्ष्मी व्यंटरमण मंदिरांत प्रयाण आनी मुक्काम करतले. थंय श्री स्वामींचे हाजिरेंत प्रतिश्ठा वज्र महोत्सव आनी सहस्र कुंभाभिषेक मनयतले.
4 मार्च दिसा थंय सावन कारगल हांगासरल्या श्रीचौडेश्वर महालसा मंदिरांत वचून पर्तगाळी मठांत परततले. 9 मार्च दिसा मठ परंपरेतले 22वें श्री द्वारकानाथ तीर्थ श्री स्वामींची पुण्यतीथ मनयतले.
12 मार्च दिसा पर्तगाळी सावन यल्लापूर हांगासरल्या श्रीलक्ष्मीनारायण व्यंकटरमण मठांत प्रयण करतले आनी थंयच राबितो करतले. थंय वर्सुकी वर्धापन दीस उत्सव श्रीस्वामींच्या मार्गदर्शना खाला जातलो. 16 मार्च दिसा थंय सावन पर्तगाळी मठांत परततले.
पर्तगाळे वर्सुकी रामनम उत्सव 27 मार्च दिसा मनयतले. 30 मार्च दिसा पर्तगाळी मठांत मठ परंपरेतले 21वे स्वामी कमलानाथ तीर्थाची पुण्यतीथ मनयतले. 9 एप्रील दिसा मठ परंपरेतले, 20वे स्वामी इंदिराकांत तीर्थ श्रीपाद वडेर स्वामींची पुण्यतीथ आसा. 16 मार्च ते 14 मे मेरेन श्री स्वामींचो मुक्काम पर्तगाळी मठांत आसतलो अशें मठ समिती वतीन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
