भांगरभूंय | प्रतिनिधी
उपजिल्होधिकारी, मामलेदार, डॉक्टर, दुयेंती, पुलीस हांकां बांदल्यो राखी
कोरगांव: कोरगांवच्या श्रीकमळेश्वर उच्च माध्यमीक विद्यालयाच्या एनएसएस विभागांतल्या विद्यार्थ्यांनी तुयें भलायकी केंद्रांतले डॉक्टर, दुयेंती, पेडणें पुलीस निरिक्षक, उपनिरिक्षक, पुलीस, पेडणें उपजिल्होधिकारी, पेडणें मामलेदार तशेंच कर्मचाऱ्यांक राखी बांदून रक्षाबंधन परब मनयली. ह्या वेळार विद्यार्थ्यांक सगली कडेन येवकार मेळ्ळो
विद्यार्थ्यांक श्रीकमळेश्वर उच्च माध्यमीक विद्यालयाच्यो प्राचार्य जुही थळी, एनएसएस अधिकारी विठोबा बगळी, दीपश्री सोपटे, एनसीसी अधिकारी भारती पंचवाडकार हांणी मार्गदर्शन केलें.
ताचे पयलीं विद्यार्थ्यांनी विद्यालयांत एकामेकांक राखी बांदल्यो. ह्या वेळार प्रतिज्ञा प्रशांत गावडे हे विद्यार्थिनीन रक्षबंधन परबेचें म्हत्व सांगलें. तशेंच ह्या वेळार भारती पंचवाडकार आनी प्राचार्य जुही थळी हांचींय उलोवपां जालीं. विठोबा बगळीन सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
