भांगरभूंय | प्रतिनिधी
भांगरभूंय । प्रतिनिधी
काणकोणः पैंगीण हांगच्या श्रद्धानंद विद्यालयाच्या पालक- शिक्षक संघान आयोजीत आनी हरिष प्रभुगांवकार हाणे पुरस्कृत केल्ल्या सुटके झुजारी विठ्ठल प्रभुगांवकार यादस्तीक काणकोण तालुको पांवड्या वयले वक्तृत्व सर्तींत अनवी आनंद देसाय आनी अपेक्षा बोलणेकार हांणी पयलीं इनामां मेळयलीं. श्रद्धानंद सभाघऱांत पाचवी तें सातवी आनी आठवी तें धावी अशा दोन गटांत ही सर्त जाली
पांचवी तें सातवी गटांत श्री मल्लिकार्जुन विद्यालयाच्या अनवी देसायान पयलें. दक्षता विनय महालेन (गुरुकुल विद्यालय) दुसरे, आनी संचित व्यंकटराय नायक (श्रद्धानंद विद्यालय) हाणे तिसरें इनाम मेळयलें. वैष्णवी वेळीप ( तुडल हायस्कूल), आश्विन पागी (गवळखोल माध्यमीक विद्यालय) हांका उमेद वाडोवपी इनामां दिलीं. आठवी तें धावेच्या गटांत मल्लिकार्जुन विद्यालयाच्या अपेक्षा बोलणेकाराक पयलें, गालजीबागच्या सेंट अँथनी हायस्कूलाच्या अल्फिना डिसोझाक दुसरें आनी माशें निराकार विद्यालयाच्या अवनी पेडणेकार हाका तिसरें इनाम फावो जालें. प्रियांक पांडुरंग वेळपी (गुरुकुल) आनी निशिता च्यारी (गवळखोल विद्यालय) हांका उमेद वाडोवपी इनामां मेळ्ळीं.
सर्तीक मुख्याध्यापिका सीमा प्रभुगांवकार, पालक- शिक्षक संघ अध्यक्ष व्यंकटराय नायक, उपाध्यक्ष प्रकल्पा पागी, पैंगीणचो उपसरपंच सुनील पैंगीणकार, आनी हरिष प्रभुगांवकार हाजीर आशिल्ले. संस्थेचो वेवस्थापक कमलाकर म्हाळशी, पैंगीण जैवविविधताय समिती अध्यक्ष बी आर महालें आनी आंगले उच्च माध्यमीक विद्यालयाचो अध्यापक संकेत वारीक आनी निवृत्त शिक्षिका गीता लोलयेकार हाणी परिक्षक म्हणून काम केलें. पूजा नायकान येवकार दिलो आनी साईली बांदेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
