भांगरभूंय | प्रतिनिधी
काणकोण: भाव-भयणीचें नातें तिगाेवन दवरपी ‘रक्षाबंधन’ परब पैंगीणच्या श्रद्धानंद मुळावे शाळेन व्हड उमेदीन मनयली. हे परबे निमतान पालकां खातीर राखी आनी शुभेत्सापत्र तयार करपाची सर्त आयोजीत केल्ली. हे सर्ती खातीर सगल्या पालकां कडल्यान बरो प्रतिसाद मेळ्ळो.
पालक, शिक्षक आनी विद्यार्थ्यांनी शाळेंत तयार केल्ल्यो विवीध प्रकारच्यो सुंदर, आकर्शक राखी बांदल्यो. विद्यार्थ्यांनी शाळेच्या वाठारांत झाडांक राखी बांदून पर्यावरण सांबाळपाचो संकल्प केलो.
ह्या वेळार पैंगीण पंचायतीचे उपसरपंच सुनील पैंगणकार, पंच वांगडी महेश नायक, सतीश पैगीणकार, पंचायत सचीव राजीव नायक गांवकार आनी हेर कर्मचारी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
