भांगरभूंय | प्रतिनिधी
बेळगांव, खबरां संस्था : केएसआरटीसी बस कंडक्टर आनी ड्रायव्हरांचेर हालींच जाल्ले हल्ले आनी मराठीसमर्थक कार्यकर्त्यांनी केल्ल्या हिंसाचाराच्या निशेधा खातीर वाटाळ नागराज हांच्या फुडारपणा खाला कन्नड समर्थक संघटनांनी शेनवार, २२ मार्चाक कर्नाटक बंद दवरपाचो उलो मारला.
बंगळुरूंत हालींच जाल्ले बसकेंत बंदा विशीं निमाणो निर्णय घेतलो. २२ मार्चाक सकाळीं ६ ते सांजेवेळार ६ वरां मेरेन बंद आसतलो. कर्नाटक येरादारी म्हामंडळाच्या कर्मचार्यांच्या तोंडाक शाय लायली आनी तांचेर हल्लो केलो, हे घडणुकेचो निशेध करप कन्नड संघटनांनी चालूच दवरलां. वाटाळ नागराज आनी हेर कन्नड समर्थक फुडार्यांनी संबंधितांचेर खर कारवायेची मागणी करीत फुडाराक अशे हल्ले आडावपा खातीर सरकारान उपाय करचे अशी मागणी केल्या.
मजगतीं, बंदाच्या दिसा सकाळीं साडेधांक वरांचेर बंगळुरू टावन हॉल ते फ्रीडम पार्क असो निशेध मोर्चा काडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
