भांगरभूंय | प्रतिनिधी
भांगरभूंय । प्रतिनिधी
काणकोणः पैंगीण हांगच्या श्रद्धानंद ज्ञानप्रसारक मंडळ आनी श्रद्धानंद प्राथमीक विद्यालयान शेनवार 20 मेक सकाळीं 9 तें दनपारां 12 मजगतीं पालक जाग्रुताय आनी प्रशिक्षण वर्गाचें आयोजन केलां. गोमंतक बाल शिक्षण परिशदेच्या पालवान नव्या शिक्षणीक धोरणा संबंदीं पालकांक ह्या वेळार मार्गदर्शन करतले.
शिक्षणीक धोरणांत पायाभूत शिक्षणाची सुवात ह्या विशयाचेर बाल शिक्षण परिशदेचे अध्यक्ष डॉ नारायण देसाय मार्गदर्शन करतले. पायाभूत शिक्षण कितें आनी कशें ह्या विशयाचेर अनुराधा पारखे (बाल शिक्षण प्रशिक्षक) मार्गदर्शन करतली. आमी समाज- पालक, संस्था म्हणून किदें करपाचें हाचेर शिक्षणीक वावुरपी कमलाकर म्हाळशी मार्गदर्शन करतलो. शिबिराक पालकांनी व्हडा संख्येन हाजीर रावचें अशें श्रद्धानंत ज्ञानप्रसारक मंडळाचो अध्यक्ष सुनील पैंगीणकार हाणे मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
