भांगरभूंय | प्रतिनिधी
भांगरभूंय । प्रतिनिधी
पणजीः गोंय मुक्ती चळवळींतले क्रांतीवीर सर्गेस्त मोहन रानडे हाणी बरयल्ल्या ‘सतीचे वाण’ ह्या आत्मचरित्र पुस्तकाच्या पांचवे आवृत्तीचें हालींच पुण्यात आदले लश्कर प्रमुख जनरल मनोज नरवणे हांचे हस्तुकीं प्रकाश जाले. ते फाटभुंयेर पुण्यात सर्गेस्त रानडे हांणी दोन दशकां आदीं स्थापन केल्ल्या स्वामी विवेकानंद जीवनज्योती संस्थेच्या वतीन ‘यादींतले मोहनदाद’ ही कार्यावळ शेनवार 24 फेब्रुवारीक पमजी जिमखाना मल्टिपर्पज हॉलांत आयोजीत केल्या.
क्रांतीवीर सर्गेस्त मोहन रानडे हांची याद करपा खातीर ही कार्यावळ सांजे 5-30 वरांचेर जातली. शिक्षणतज्ज्ञ आनी धेंपो कॉमर्स म्हाविद्यालाचो प्राचार्ड डॉ मनोज कामत ह्या वेळार मुखेल सोयरे म्हणून आनी गोंय म्युझियाचे आदले संचालक लक्ष्मण पित्रे मानाचे सोयरे म्हणून हाजीर रावतले. मोहन रानडे हाचे जिणे वयलो म्हायती पट ह्या वेळार दाखयतले. कार्यावळीक लोकांनी व्हडा संख्येन हाजीर रावचें अशें संस्थेचो अध्यक्ष एम डी देशपांडे हांणी मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
