भांगरभूंय | प्रतिनिधी
पणजी: घुंवळे वखदां आड काम करपी पुलीस उपनिरिक्षक दिनदयाल रेडकार शेनवारा 11 जुलय दिसा प्रोग्रेस हायस्कूल पणजी हांगा सकाळीं 10.30 वरांचेर पालक शिक्षक, भारतीय रेड क्रॉस युनिटा वांगडा आयाजीत केल्ले कार्यावळींत घुंवळे वखदां आड उलोवप करतले.
उपनिरिक्षक रेडकार 2018 सावन पुलीस खात्यांत आसात. ते मूळ म्हापशेंचे. तांणी हाचे आदीं साडेतीन वर्सां फातोड्डें पुलीस स्टेशनार काम केलां.
सद्या ते गुप्तचरांनी दिल्ल्या म्हायतीच्या आदाराचेर घुंवळे वखदां आड धाड घालप आनी ड्रग्स विक्रेत्यांक आनी वेपाऱ्यांक धरपाची तांची मुखेल जापसालदारकी आसा.
कायदो आनी सुवेवस्था सांबाळपा वांगडाच तरणाट्यां मदीं ड्रग्साच्या लुकसाण करपी परिणामां विशीं जागृताय निर्माण करपाक ते सक्रीयपणान वावुरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
