भांगरभूंय | प्रतिनिधी
पणजी : उलयतना आनी एकमेकां कडेन संवाद सादतना वापरतात ती जायतीं उतरां, वाक्यां आनी वाक्प्रचार आतां शेणत चल्ल्यात. मराठी, कोंकणींतले बोली भाशेंतले शब्द तशेंच वाक्यप्रचारांचो संग्रह करपाक राजभास संचालनालयान खास येवजणेची तयारी केल्या. पुस्तक, ई पुस्तक आनी ऑडीयो व्हिडीयो स्वरूपांत शेणत वचपी उतरां आनी वाक्यांचो संग्रह करपाक अर्थीक मजत दितले.
लोकभास संग्रह येवजण अशें हे योजणेचें नांव आशिल्ल्यान अधिसुचवणी जारी जाल्या. गोंय राजभास कायदो १९८७ वर्सा अस्तित्वांत आयलो. तरी आजूनय कोंकणी भाशेंत तांत्रीक, वैज्ञानीक, कायदो आनी हेर उतरांचो उणाव जाणवता. हे येवजणे खाला कार्यशाळा, परिसंवाद आयोजीत करतले. तशेंच राजभास संचालनालय समिती स्थापन करतले. संघटक, भाशातज्ज्ञ आनी अनुवादकांचो आसपाव समितींत आसतलो. शेणिल्लीं उतरां आनी वाक्प्रचारांचो सोद घेवपा खातीर संस्था तशेंच सरकाराच्या खात्या वांगडा समन्वय सादतले. कार्यशाळा तशेंच परिसंवादांत मार्गदर्शन करपा खातीर तज्ञांक मानधन दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
