भांगरभूंय | प्रतिनिधी
सम्राट क्लब आनी रवींद्र भवन कुडचडें हांचें आयोजन
पणजीः सम्राट क्लब कुडचडें आनी रवींद्र भवन कुडचडें हांच्या जोड पालवान आयोजीत केल्ली पयली कोंकणी एकांकी सर्त सर्वोदय सोसायटी हायस्कूल हांच्या ‘शेणला’ हे एकांकीक पयलें इनाम फावो जालें, जाल्यार रिवणच्या उत्कर्ष हायस्कुलाक ‘वेळ’ हें एकांकीक दुसरें इनाम फावो जालें, तिसरें इनाम न्यू एज्युकेशनल इन्स्टिट्यूट ‘बाळा – एका क्रांतीची सुरवात’ हिका तिसरें इनाम जाल्यार उमेद वाडोवपी इनामा चंद्रभागा तुकोबा नायक हायस्कूल हांच्या ‘लिडर’ आनी सरकारी माध्यमीक विद्यालय शेल्डें हांच्या ‘आमी’ हे एकांकीकेक फावो जालें.
वैयक्तीक इनामां सर्वोदय हायस्कुलाच्या आयान मंगलदास भट हाका राजा (राजकुंवर शेणला) भुमिके खातीर अभिनयाचें पयलें इनाम फावो जालें, नियती नायक पिंकी (वेळ) भुमिके खातीर फावो जालें, दिग्दर्शनाचे पयलें इनाम राजकुंवर शेणला डॉ प्रज्योत महाले हाका फावो जालें, अभिनयाची प्रमाण पत्र सान्वी गुरव (राजकुंवर शेणला), किर्तेश चंदगडकार, (बाळा:एका क्रांतीची सुरवात) रिध्दी गांवस देसाय (आमी) प्रसन्न देविदास (वेळ), अदिती देसाय (लीडर).
ह्या सर्तीचें परिक्षण कलानंद कामत बांबोळकार, सुशांत नायक, वर्धन कामत हांणी केलें. उक्तावण सुवाळ्याक रवींद्र भवनाचे उपाध्यक्ष राजू नायक हाजीर आशिल्ले. जाल्यार समारोप सुवाळ्याक कुडचडेंचे आमदार आनी भौशीक बांदकाम मंत्री निलेश काब्राल हाजीर आशिल्ले.
सुरवेक सम्राट क्लब कुडचडेंचे अध्यक्ष मंगलदास भट हांणी येवकार आनी प्रास्तावीक केलें. सुत्रसंचालन गंधाली भट हाणें केलें, जाल्यार सचीव डॉ. भिसो शेटगांवकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
