भांगरभूंय | प्रतिनिधी
नवी दिल्ली, खबरां संस्था: बांगलादेशांत व्हडा प्रमाणांत हिंसाचाराक सुरवात जाले उपरांत बांगलादेशची प्रधानमंत्री शेख हसिना हांणी प्रधानमंत्री पदाचो राजिनामो दिलो. उपरांत शेख हसीना हांणी देश सोडून सुरक्षीत सुवातेर गेल्यो. तेन्ना शेख हसीना बांगलादेश हवाई दळाच्या एका हेलिकॉप्टरान बसून गेल्यो. उपरांत तिचें Flightradar24 चेर सगळ्यांत चड ट्रॅक केलें.
बांगलादेशांतली परिस्थिती नियंत्रणा भायर गेले उपरांत शेख हसीना हांणी देश सोडलो. बांगलादेशांतल्यान गेल्या उपरांत ती खंय गेली असो प्रस्न हाजीर केल्लो. हे विशीं खुबश्या जाणांनी म्हायती सर्च केली. ह्या वेळार शेख हसीना हिका घेवन वचपी बांगलादेश हवाई दळाचे AJAX1431 फ्लायट Flightradar24 चेर सगळ्यांत चड ट्रॅक केलें. ताका लागून बांगलादेश हवाई दळाचे AJAX1431 फ्लाइट संवसारांतले सगळ्यांत चड ट्रॅक केलेल हेलिकॉप्टर थारलां अशी म्हायती एका दिसाळ्यांत आयल्या.
मजगतीं, शेख हसीना सध्या भारतांत आसात. गाझियाबादांत भारतीय हवाई दळाच्या हिंडन ह्या एअरबेसचेर (वायूदळाचो तळ) दाखल जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
