भांगरभूंय | प्रतिनिधी
खबरां संस्था
मोहालीः शुभमन गिलान 49 धांवड्यांत 67 धांवड्यो करून आयपीएलाच्या अंदूच्या सिझनाक पोरूंचो वस्ताद गुजरात टायटन्साक पयलें जैत मेळोवन दिलें. पंजाब किंग्साच्या 8 आवट 153 धांवड्यांक गुजरातान 19.5 ओव्हरींत 4 आवट 154 अशी जाप दिली. 20वे ओव्हरीच्या पांचव्या बॉलार डेव्हीड मिलरान जैताचो चौको मारलो. गुजरात आनी पंजाबाक अंदूच्या आयपीएलांत तांच्या पयल्या मॅचींक हार खावची पडिल्ली. ताका जें जैत जाय आशिल्लें तें ताणी मेळयलें.
पंजाबाक 153 धांवड्यात आडायल्या उपरांत वर्धमान साहा आनी शुभमन गील हांणी गुजराताक बरी सुरवात करून दिली. ताणी पयले विकेटी खातीर 48 धांवड्यांची भागिदारी केली कागिसो रबाडान ही जोडी फोटली. 19 बॉलांत 5 चौक्यांनी 30 धांवड्यो करपी साहाची कॅच मॅथ्यू शॉर्टान घेतली. हे उपरांत गील आनी साई सुदर्शन ही जोडी जमली. 11 ओव्हरींत ताणी 88 धांवड्यो करून पंगडाक जैताचे दिकेन व्हरपाक सुरवात केली. मात 89 धांवड्यांचेर अर्शदीप सिंगान सुदर्शनाक (19) कॅच आवट केलें. 13.5 ओव्हरींत गील आनी हार्दिक पंड्यान शेंकडो पुराय करून पंगडाचे अंदूच्या आयपीएलांत पयलेंच जैत निश्चीत केलें.
पंदरावे ओव्हरींत हरप्रीत ब्राराक सको मारपाच्या नादांत पंड्यान (8) सॅम कुरियनाच्या हातांत कॅच दिली. डेव्हीड मिलराच्या सांगातान शुभमनान 41 बॉलांत 6 चौक्यांनी आपलो अर्द शेंकडो केलो. निमाण्या 5 बॉलांत जैता खातीर 6 धांवड्यो जाय आशिल्ल्यो तेन्ना सॅम कुरियनान शुभमनाची दांडी उडयली. ताणे 49 बॉलांत 67 सात चौके आनी एका सक्यान 67 धांवड्यो केल्या.2 बॉलांत 4 धांवड्यो जाय आशिल्ल्यो तेन्न कुरियनाक चौको मारून मिलराक (नाबाद 17) गुजराताक 6 विकेटींनी जैत मेळोवन दिलें.
पंजाब किंग्साच्यो 153 धांवड्यो
मोहालीच्या आय एस भिंद्रा स्टेडियमाचेर गुजरात टाटन्साचो कॅप्टन हार्दिक पंड्यान टॉस जिखून पयलीं फिल्डिंग घेतली. तांच्या बॉलरांनी पंजाब किंग्साच्या बॅट्समनांक बांदून दवरिल्ल्यान 20 ओव्हरींत फकत 153 धावंड्यो करपाक शकले. तांच्या शाहरुख खाना 9 बॉलांत 2 सके आनी एका चौक्यान 22 धांवड्यांक लागून पंजाबाक धांवड्यांचो अर्द शेकडो करपाक जमलें. 20वे ओव्हींत शाहरूख आनी ऋषी धवन आवट जाल्ल्यान 8 आवट 153 अशी तांची स्थिती जाली.
गुजरात पंगडांत अणभवी बॉलर मोहित शर्माक संद दिल्ली. तीन वर्सां उपरांत तो आयपीएलांत खेळटना दिसलो.. कॅप्टन हार्दिक पंड्यान पुनरागमन केल्ल्यान विजय शंकराक पंगडांतल्यान भायर वच्चें पडलें. कोलकाता नायट रायर्डसा आडचे मॅचींत यश दयालान घातिल्ले 20 वे ओव्हरींत रिंकू सिंगान पांच बॉलांत 5 सके मारल्ले. ताचे सुवातेर मोहिताक घेतल्लो. ताणे 18 धांवड्यांत 2 विकेटी घेवंन आपले बॉलिंगेची पोरणी धार दाखोवन दिली.
पंजाबाच्या डावाची सुरवात बाबत जाली. डाव्याच्या मोहम्मद शमीच्या पयल्याच बॉलार ओपनर प्रभासिमरन सिंगाक (0) रशिद खानाच्या हातांत कॅच दिवंन परतलो. कॅप्टन शिखर धवन व्हडलें कांय करूं शकलो ना. ताणे फकत 8 धांवड्यो केल्यो. जोशुआ लिटलान तांका परत धाडलो. पॉवर प्लेंत पंजाबान 6 ओव्हरींत 2 आवट 52 धांवड्यो केल्यो. मॅथ्यू शॉर्टान मात 24 बॉलांत 6 चौके आनी एका सक्यान 36 धांवड्यो करून डाव साल्वार केलो. दुखापतींतल्यान भायर आशिल्ल्या भानुका रााजपक्षान हे मॅचींत पुनरागमन करून 20 धांवड्यो केल्यो.
डावाची सातवी ओव्हर हार्दिक पंड्यान रशिद खानाक दिली आनी ताणे मॅथ्यू शॉर्टाची म्हत्वाची विकेट घेतली. राजपक्षा आनी जितेश शर्मान पंजाबाचो डाव साल्वार केल्लो. मात मोहित शर्मान ही जोडी फोडली. जितेशान 23 बॉलांत 5 चौक्यांनी 25 धांवड्यो केल्यो. सॅम कुरियनान 22 धांवड्यो केल्यो. शाहरुख खान आनी हरप्रीत बारान पंगडाचो अर्द शेंकडो पुराय केलो. निमाणे ओव्हरींत एक धांवडेचे सुवातेर दोन धांवड्यो घेवपाच्या यत्नात शाहरुख रनआवट जालो. आनी ओव्हरीच्या निमाण्या बॉलार ऋषी धवन लेगीत एक धांवडी घेतना रनआवट जालो. हार्दिक पंड्यान पांच बॉलरांचो उपेग केलो. मोहित शर्माक दोन जाल्यार बाकीच्या चार बॉलरांक देरकी एक विकेट मेळी.
(लायट)
खबरां संस्था
मोहालीः शुभमन गिलान 49 धांवड्यांत 67 धांवड्यो करून आयपीएलाच्या अंदूच्या सिझनाक पोरूंचो वस्ताद गुजरात टायटन्साक पयलें जैत मेळोवन दिलें. पंजाब किंग्साच्या 8 आवट 153 धांवड्यांक गुजरातान 19.5 ओव्हरींत 4 आवट 154 अशी जाप दिली. 20वे ओव्हरीच्या पांचव्या बॉलार डेव्हीड मिलरान जैताचो चौको मारलो. गुजरात आनी पंजाबाक अंदूच्या आयपीएलांत तांच्या पयल्या मॅचींक हार खावची पडिल्ली. ताका जें जैत जाय आशिल्लें तें ताणी मेळयलें.
पंजाबाक 153 धांवड्यात आडायल्या उपरांत वर्धमान साहा आनी शुभमन गील हांणी गुजराताक बरी सुरवात करून दिली. ताणी पयले विकेटी खातीर 48 धांवड्यांची भागिदारी केली कागिसो रबाडान ही जोडी फोटली. 19 बॉलांत 5 चौक्यांनी 30 धांवड्यो करपी साहाची कॅच मॅथ्यू शॉर्टान घेतली. हे उपरांत गील आनी साई सुदर्शन ही जोडी जमली. 11 ओव्हरींत ताणी 88 धांवड्यो करून पंगडाक जैताचे दिकेन व्हरपाक सुरवात केली. मात 89 धांवड्यांचेर अर्शदीप सिंगान सुदर्शनाक (19) कॅच आवट केलें. 13.5 ओव्हरींत गील आनी हार्दिक पंड्यान शेंकडो पुराय करून पंगडाचे अंदूच्या आयपीएलांत पयलेंच जैत निश्चीत केलें.
पंदरावे ओव्हरींत हरप्रीत ब्राराक सको मारपाच्या नादांत पंड्यान (8) सॅम कुरियनाच्या हातांत कॅच दिली. डेव्हीड मिलराच्या सांगातान शुभमनान 41 बॉलांत 6 चौक्यांनी आपलो अर्द शेंकडो केलो. निमाण्या 5 बॉलांत जैता खातीर 6 धांवड्यो जाय आशिल्ल्यो तेन्ना सॅम कुरियनान शुभमनाची दांडी उडयली. ताणे 49 बॉलांत 67 सात चौके आनी एका सक्यान 67 धांवड्यो केल्या.2 बॉलांत 4 धांवड्यो जाय आशिल्ल्यो तेन्न कुरियनाक चौको मारून मिलराक (नाबाद 17) गुजराताक 6 विकेटींनी जैत मेळोवन दिलें.
पंजाब किंग्साच्यो 153 धांवड्यो
मोहालीच्या आय एस भिंद्रा स्टेडियमाचेर गुजरात टाटन्साचो कॅप्टन हार्दिक पंड्यान टॉस जिखून पयलीं फिल्डिंग घेतली. तांच्या बॉलरांनी पंजाब किंग्साच्या बॅट्समनांक बांदून दवरिल्ल्यान 20 ओव्हरींत फकत 153 धावंड्यो करपाक शकले. तांच्या शाहरुख खाना 9 बॉलांत 2 सके आनी एका चौक्यान 22 धांवड्यांक लागून पंजाबाक धांवड्यांचो अर्द शेकडो करपाक जमलें. 20वे ओव्हींत शाहरूख आनी ऋषी धवन आवट जाल्ल्यान 8 आवट 153 अशी तांची स्थिती जाली.
गुजरात पंगडांत अणभवी बॉलर मोहित शर्माक संद दिल्ली. तीन वर्सां उपरांत तो आयपीएलांत खेळटना दिसलो.. कॅप्टन हार्दिक पंड्यान पुनरागमन केल्ल्यान विजय शंकराक पंगडांतल्यान भायर वच्चें पडलें. कोलकाता नायट रायर्डसा आडचे मॅचींत यश दयालान घातिल्ले 20 वे ओव्हरींत रिंकू सिंगान पांच बॉलांत 5 सके मारल्ले. ताचे सुवातेर मोहिताक घेतल्लो. ताणे 18 धांवड्यांत 2 विकेटी घेवंन आपले बॉलिंगेची पोरणी धार दाखोवन दिली.
पंजाबाच्या डावाची सुरवात बाबत जाली. डाव्याच्या मोहम्मद शमीच्या पयल्याच बॉलार ओपनर प्रभासिमरन सिंगाक (0) रशिद खानाच्या हातांत कॅच दिवंन परतलो. कॅप्टन शिखर धवन व्हडलें कांय करूं शकलो ना. ताणे फकत 8 धांवड्यो केल्यो. जोशुआ लिटलान तांका परत धाडलो. पॉवर प्लेंत पंजाबान 6 ओव्हरींत 2 आवट 52 धांवड्यो केल्यो. मॅथ्यू शॉर्टान मात 24 बॉलांत 6 चौके आनी एका सक्यान 36 धांवड्यो करून डाव साल्वार केलो. दुखापतींतल्यान भायर आशिल्ल्या भानुका रााजपक्षान हे मॅचींत पुनरागमन करून 20 धांवड्यो केल्यो.
डावाची सातवी ओव्हर हार्दिक पंड्यान रशिद खानाक दिली आनी ताणे मॅथ्यू शॉर्टाची म्हत्वाची विकेट घेतली. राजपक्षा आनी जितेश शर्मान पंजाबाचो डाव साल्वार केल्लो. मात मोहित शर्मान ही जोडी फोडली. जितेशान 23 बॉलांत 5 चौक्यांनी 25 धांवड्यो केल्यो. सॅम कुरियनान 22 धांवड्यो केल्यो. शाहरुख खान आनी हरप्रीत बारान पंगडाचो अर्द शेंकडो पुराय केलो. निमाणे ओव्हरींत एक धांवडेचे सुवातेर दोन धांवड्यो घेवपाच्या यत्नात शाहरुख रनआवट जालो. आनी ओव्हरीच्या निमाण्या बॉलार ऋषी धवन लेगीत एक धांवडी घेतना रनआवट जालो. हार्दिक पंड्यान पांच बॉलरांचो उपेग केलो. मोहित शर्माक दोन जाल्यार बाकीच्या चार बॉलरांक देरकी एक विकेट मेळी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
