भांगरभूंय | प्रतिनिधी
भांगरभूंय । प्रतिनिधी
सावयवेरेंः हांगच्या श्री अनंत देवस्थानाची आठ दिसांची जात्रा 15 तें 22 डिसेंबर मगजतीं धर्मीक आनी सांस्कृतीक आनी नाटकांच्या कार्यावळींनी जातली. शुक्राराक धर्मीक विधीं सयत सख्याहरी व्हो उत्सव जातलो. साजें गंधपूजे उपरांत 4 वरांचेर देवाची गावांतल्यान पालखी मिरवणूक काडटले. पालखी पयलीं श्री सातेरी देवस्थानाक भेट दितली. आरत्या उपरांत सातेरीभाट हांगच्या श्री शांतादुर्गा देवस्थान ते उपरांत सावय हांगच्या लक्ष्मी नारायण देवस्थानाक भेट दितली. ह्या तिनूय देवस्थानांक जात्रेचें आमंत्रण दिल्या उपरांत पालखी परत अनंत देवळांत येतली. वाटेर जायते कडेन सुवासिनी वतीन देवाची ओवाळणी जातली. मजगतीं अनंत देवाच्या सख्याहरीक सुरवात जातली. ल्हान- व्हड लोक हातांत सुपारीचे रोपे घेवन वाद्यांच्या तालांत नाचत ‘हरी रे माझ्या पांडुरंगा, सख्याहरी माझ्या पांडुरंगा ‘ अशें म्हणत देवळा कडेन येतले. उपरांत स्थळाव्या कलाकार दशातवतारी कालो सादर करतले.
शेनवार 16 डिसेंबराक नौका विहार, सांगोड आसनाचे उद्यापन, सत्यनारायण म्हापूजा, आरती आनी दनपारां म्हाप्रसाद जातलो. रातयां 9.30 वरांचेर सुवासिनीं कडल्यान ओवाळणी आनी तळयंत देवाचो नौका विहार जातलो. रातीं 11 वरांचेर ड्यूबॉल कॅप्टन देवता नायक हिचो भोवमान आनी उपरांत ‘कर्मा तुजी दैना म्हजी ‘ व्हो कोंकणी नाट्य प्रयोग जातलो. आयतार 17 डिसेंबराक गरुडासना निमतान सत्यनारायण म्हापूजा, दनपारां म्हाप्रसाद आनी रातयां 9.30 वरांचेर विठ्ठल शिरोडकार आनी परशुराम काणकोणकार हांची गायनाची कार्यावळ जातली. उपरांत देवाची गरुडासनांतल्यान देवळाच्या प्राकारांत मिरवणूक काडटले. रातीं 11 वरांचेर फोडें राजीव कला मंदिरान आयोजीत केल्ल्या इतिहासीक नाट्य सर्तींत पयलें इनाम फावो जाल्ल्या ‘ रायगडाला जेव्हा जाग येते’ ह्या नाटकाचो प्रयोग जातलो.
सोमार 18 डिसेंबराक सकाळीं धर्मीक विधी आनी दनपारां म्हाप्रसाद जातलो. रातीं 9 वरांचेर भक्ती नाट्यधारा ही सुगम संगीताची कार्यावळ जातली. तातूंत माणगांव हागचे योगेश बोरचाटे, पलल्वी पिळणकर, ऋचा पिळणकर आनी सावंतवाडी हांगचो निधी जोशी हे कलाकार वांटो घेतले. विजयरथ जाल्या उपरांत ‘आयज म्हजे फाल्या तुजे ‘ व्हो नाट्य प्रयोग जातलो. मंगळाराक सकाळी सिंहासना निमतान अभिशेक, सांजे गंध पूजा, रातीं देवाची मिरवणूक आनी रातीं ‘अडबड गडबड ‘ व्हो नाट्य प्रयोग जातलो. बुधवार 20 डिसेंबराक देवाची अंबारींतल्यान मिरवणूक काडटले. रातीं 9.30 वरांचेर बाबुराव भांड्ये आनी सांगत्यांची भजनाची कार्यावळ जातली. रातयां ‘होम मिनिस्टर ‘ व्हो नाट्य प्रयोग जातलो.
बिरेस्तार 21 डिसेंबराक रातीं 9.30 वरांचेर चिन्मयी कामत आनी सांगात्यांची गायनाची कार्यावळ, देवाची शेषासनांतल्यान मिरवणूक आनी उपरांत ‘आरत्याक परते ‘ व्हो नाट्य प्रयोग जातलो. शुक्रार 22 डिसेंबराक शुद्ध दशमी निमतान रातीं 9 वरांचेर देवाची प्राकारांत मिरवणूक काडटले. आरत्यो आनी तीर्थ प्रसादान जात्रेचो समारोप जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
