भांगरभूंय | प्रतिनिधी
भांगरभूंय । प्रतिनिधी
म्हापशेंः बामणवाडो- शिवोले हांगा हणजूण पुलिसांनी घुंवळी वखदां आड कारवाय करून नितीन बाणावलीकार (44, गुबलावाडो-ओशेल) हाका अटक करून ताचे कडेन आशिल्लीं 2.04 लाख मोलांची घुंवळी वखदां जप्त केलीं. फाटल्या आयतारा मध्यान रातीं ही कारवाय केली. बामणवाडो हांगा घुंवळी वखदां विकपाचो वेव्हार जातलो अशी म्हायती पुलिसांक मेळिल्ली. ते प्रमाण तांणी पांदरो रचलो आनी बाणावलीकार हो थंय आयिल्ले कडेन ताका ताब्यांत घेतलो.
ताचे कडेन 1 लाक 87 हजार रुपया मोलाचें 23.4 ग्राम कोकेन, 17 हजाराचेंं 3,4 ग्राम एक्स्टसी सांपडलें. पुलिसांनी दुबाविता आड घुवळी वखदां प्रतिबंद कायद्या खाला गुन्यांव नोंद केला. पुलीस निरीक्षक प्रशल नायक देसाय हांच्या मार्गदर्शना खाला उपनिरीक्षक आशिश परब, फ्रान्सिस झेवियर, पुलीस शंभा शेटगांवकारआनी महेंद्र मांद्रेकार हाणी ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
