भांगरभूंय | प्रतिनिधी
पणजी : शिवोले गोंय पुलिसांच्या गुन्यांव फांट्यान बिरेस्तारा रातीं उसरां केल्ले धडक कारवायेंत नायजेरियन नागरिकाक अटक करून व्हड ड्रग्ज जप्त केले. दुबाविता कडल्यान कोकेन, मेथॅम्फेटामाइन, एमडीएमए अशीं घुवळे वखदां आनी लाखांनी रक्कम जप्त केली.
हे विशीं गुन्यांव फांट्याक म्हायती मेळ्ळे उपरांत मार्ना-शिवोलेच्या इगरेझ वाड्यावेल्या भाड्याच्या घराचेर धाड घातली. हातूंत नायजेरियन नागरीक एझियाशी आयकेचुक्वू कॅलिस्टस (३८) हाका धरलो. ताचे कडल्यान ३५.५९३ ग्रॅम कोकेन, ४.४८५ ग्रॅम मेथॅम्फेटामायन, २.२९४ ग्रॅम एमडीएमए आनी रोख ८.५० लाख रुपयांची रोख असो मुद्देमाल जप्त केलो. दुबाविताची सध्या चवकशी सुरू आशिल्ल्यान ताच्या संपर्कांतल्या हेरांचो सोद घेतात.
ही कारवाय उत्तर गोंय पुलीस अधीक्षक राहुल गुप्ता आनी गुन्यांव फांट्याचे उपअधीक्षक राजेश कुमार हांच्या मार्गदर्शना खाला तशेंच गुन्यांव फांट्याचे निरीक्षक मंगेश वळवयकार हांच्या नेतृत्वा खाला जाली. फुडली कारवाय उपनिरीक्षक अमिन नायक करतात
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
