भांगरभूंय | प्रतिनिधी
भांगरभूंय । प्रतिनिधी
म्हापशेंः तारचीभाट- शिवोले हांगा रस्त्याच्या रुंदीकरणाचे काम सुरू आसा. थंय रस्त्या कुशीक आशिल्ल्या छत्रपती शिवाजी महाराज चौकांतल्या शिवपुतळ्याचे ताका लागून स्थलांतरण करतले. रस्त्याचें काम पुराय जातगीर थंय शिवरायांचो 25 फूट उंच भव्य पुतळो उबारतले.
बांदकाम खात्यान शिवोले पुला मेरेन रस्त्याच्या रुंदीकरणाचें काम हातांत घेतलां. शिवाजी महाराज चौक जंक्शनाचो विस्तार करतले. ताका लागून थंय आशिल्ल्या पुतळ्याचे स्थलांतरण करची अशी विनवणी प्रशासनान समर्थ संघटनेक केल्या. ते प्रमाण तांणी विधिवत पुतळो हेर कडेन व्हेला. ह्या वेळार थळावी आमदार डिलायला लोबो, कळंगुटेचो आमदार मायकल लोबो, समर्थ संघटनेचे नीलेश वेर्णेकार, यदुवीर सिमेपुरुषकार आनी हेर पदाधिकारी हाजीर आशिल्ले.
शिवरायांचो पुतळे हेर कडेन व्हेला, समर्थ संघटने वतीन चौकांत 25 फूट उंचीचो शिवरायांचो पुतळो कांय म्हयन्या भितर उबारतले अशी म्हायती नीलेश वेर्णेकारान ह्या वेळार दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
