भांगरभूंय | प्रतिनिधी
म्हापशें: मदलेभाट शिवोले संजीव आगरवाडेकार हांच्या गुंदाव आशिल्लें घर उज्यान लासून गोबर जालें. तातूंत सुमार 3 लाखांचें लुकसाण जालां.
ही दुर्घटणा बुधवारा 10 मेक फांतोडेर 2.30 वरांच्या सुमाराक घडली. म्हापशें उजो पालवपी दळाच्या जवानांनी घडणुकेचे सुवातेर वचून उजो पालयलो, पूण ते मेरेन पुराय घराचो गोबर जाल्लो.
घर धनी आगरवाडेकार हांणी त्या घरांत टाकावू वस्तूं सयत वाशे, फळयो आनी हेर लांकडी सामान दवरिल्लें. घरा सयत सगळ्यो वस्तू लासून गेल्यो. उजो लागपा फाटलें कारण कळूंक ना. उजो पालोवपी दळाचे उपअधिकारी ज्ञानेश्वर सावंत, प्रेमानंद कांबळी, परेश मांद्रेंकार, अक्षय सावंत, आकाश कळंगूटकार ह्या पंगडान उजो पालयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
