भांगरभूंय | प्रतिनिधी
भांगरभूंय । प्रतिनिधी
म्हापशेंः शेळ, सडये- शिवोले हांगा एका दूद दिवपी गायेक मारून उडयल्ल्या दोग दुबाविंतांक म्हापशेंच्या पयलो वर्ग न्यायालयान पांच दिसांची पुलीस कादय दिल्या. बेपत्ता आशिल्ल्या पाडकाक सोदून काडपाक पुलीस आनी गायेच्या धनयाक येश मेळ्ळां.
गायेक मारपाचो व्हो प्रकार फाटल्या 9 मार्चाक जाल्लो. म्हापशें पुलिसांनी अथानास लकडा आनी मनबताल झक्का ह्या मूळ छत्तीसगडांतल्या तरणाट्यांक अटक केल्ली.. मारल्ले गायेचो धनी राजेंद्र उर्फ राजेश मोरजकारान पुलिसांचे मजतीन सोमाराक पाडकाक सोदून काडलें. गायेक मारतना हें पाडूक पळून गेल्लें. दुबावितांनी गायेक खंय व्हरून मारलें. तिचें मांस कोणाक विकलें हाची म्हायती तांणी अजून पुलिसांक दिल्ली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
