शिवोले आयतारा शिवजयंती निमतान व्हड मिरवणूक

भांगरभूंय | प्रतिनिधी

म्हापशें: शिवजयंती निमतान शिव योद्धा, समर्थन संघटणा गोंय आनी शिवमोगी हांच्या जोडपालवान आयतारा 19 फेब्रुवारीक दनपारां 3 वरांचेर शिवोली वाठारांत व्हड मिरवणुकेचें आयोजन केलां. ही म्हायती समर्थन संघटणेचे संस्थापक निलेश वेर्णेंकार हांणी पत्रकार परिशदेंत दिली.

हे पत्रकार परिशदेक शिवयोद्धा तशेंच समर्थन संघटणेचे पदाधिकारी आनी शिवमोगी नितीन आगरवाडेकार, प्रेमानंद आरोलकार, यदुवीर सिमेपुरुसकार, दीपक आगरवाडेकार, विजय कोरगांवकार, आमीत मोरजकार, विजय वेंगुर्लेंकर, लिलेश शिरोडकार, एकनाथ पेडणेंकार, गजानन पेडणेंकार, अजीत ताम्हणकार, मेघश्याम गडेकार, सुशांत भोसले आनी हरिश्चंद्र नायक हाजीर आशिल्ले.

शिव मिरवणुकेक श्री स्वामी समर्थ मठा कडल्यान सुरवात जातली. उपरांत गणेश मंदीर (तार), ब्राह्मण देवस्थान (भाटी), श्री देवी कालिका देवस्थान (भाटी), श्री राम मंदीर (रामवाडो), म्हाकालिका कुंभळेश्वर (घुबलवाडो), भवानी रामपुरुस (चौकी), बाळवंश कमलादेवी रवळनाथ (ओशेल), श्री देव क्षेत्रपाल (ओशेल), श्री देव परान्नाथ (घाबलावाडो), श्री सांखळेश्वर प्रसन्न (घुबलावाडो), श्री म्हारींगण देवस्थान (तारचीभाट), राष्ट्रोळी देवस्थान (मदलेंभाट), श्री देव आजोबा (शेळ), श्री सांतेरी संस्थान (शेळ), श्री सांखळेश्वर (सडयें), श्री राष्ट्रोळी (सडयें), श्री पिंपळेश्वर देवस्थान (पिलंबी- सडयें), श्री दत्त देवस्थान (कुचेली), श्री राष्ट्रोळी देवस्थान (कुचेली), श्रीकाजरेश्वर देवस्थान (मार्ना), श्री रवळनाथ महालक्ष्मी घाटेश्वर (मार्ना), श्री राष्ट्रोळी (घोल- मार्ना), श्री दत्त मंदीर (घोल- मार्ना), श्री दत्त मंदीर (सोनारखेड- आसगांव), श्री गणेश मंदीर (आसगांव), श्री राष्ट्रोळी ब्राह्मण (बाद), श्री गणेश मंदीर (वाडी), श्री राष्ट्रोळी देवस्थान (वाडी), श्री लक्ष्मी नारायण देवस्थान (बामणवाडो), श्री सिद्धेश्वर देवस्थान (बामणवाडो), श्री म्हातारेश्वर देवस्थान (दांडा), श्री आदिनारायण खाजनेश्वर देवस्थान (दांडा), श्री जागरेश्वर देवस्थान (दांडा), श्री भिमगेश्वर देवस्थान (गुडे), श्री जागरेश्वर देवस्थान (गुडे), श्री काळोबा देवस्थान (गुडे), श्री दुर्गा बंदिरेश्वर (गुडे), श्री काशीकल्याण ब्राह्मण देवस्थान (गुडे), श्री बांदेश्वर (पुला लागसार), श्री दाडोबा पंचायतन (राय) ह्या मार्गाचेर भोंवून परतून छत्रपती शिवाजी महाराज चौकांत मिरवणुकेची सांगता जातली.

केंद्रीय श्रम आनी रोजगार मंत्रालयाची क्षेत्रीय संचालक अरुणा वाघ, गोमन्तक मंदीर म्हासंघाचे सचीव जयेश थळी, किर्तनकार उदयबुवा फडके, हणजूणेंचे पुलीस निरिक्षक प्रशल नायक देसाय, येरादारी पुलीस निरिक्षक गौरेश परब ह्या वेळार निमंत्रीत सोयरे म्हूण हाजीर रावतले. मजगतीं, सांजेच्या 5.30 वरांचेर स्वातंत्र सैनीक येशी आगरवाडेकार (मरणा उपरांत), श्री वसंत विद्यालयाचे संस्थापक तशेंच स्वातंत्र सैनीक प्रभाकर मोये हांचो ह्या वेळार सत्कार जातलो. शिवमोगींनी हे मिरवणुकेंत व्हड संख्येन वांटो घेवचो, असो उलो वेर्णेंकार हांणी मारला.