भांगरभूंय | प्रतिनिधी
म्हापशें: वागातोर दर्यादेगे वयल्या शिवा व्हॅली ह्या सॅक रेस्टॉरंण्टांत ड्रग्जाचो वेवसाय चलता अशी म्हायती मेळिल्ल्यान हणजूणें पुलिसांनी धाड घालून कांय हरकत घे सारके घटक जप्त केल्यात.
पुलिसांनी हालींच वाडी शिवोली वाठारांत ड्रग्ज विरोधी कारवाये खाला दुबावीत सुरज तोडी हाका अटक केल्ली. दुबावितान पुलीस चवकशे वेळार शिवा व्हॅली शॅक रेस्टॉरंण्टांत ड्रग्ज विक्रीचो वेवसाय चलता अशी म्हायती उक्ती केल्ली.
ते प्रमाण शेनवारा सांजे वेळार पुलिसांनी सर्च वॉरंटाच्या आदारान फॉरेन्सीक आनी वास काडपी सुण्यांच्या पंगडा सयत त्या रेस्टॉरंण्टाचेर धाड घातली आनी झडटी घेतली. त्या वेळार कांय हरकत घे सारकें साहित्य जप्त केलें. तातूंत ड्रग्जाचे अंश आशिल्ल्याच्या दुबावा वयल्यान ते फॉरेन्सीक तपासणे खातीर धाडल्यात. पुलीस निरिक्षक प्रशल नायक देसाय, उपनिरिक्षक साहील वारंग आनी पंगडान ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
