भांगरभूंय | प्रतिनिधी
खोलपेच्या शिवाजी राजे हायस्कुलान वझरीच्या सरकारी हायस्कुलान आनी वझरी ग्रामपंचायतीन जोड पालवान आयोजीत केल्ले आंतरशालेय कबड्डी सर्तीचें वस्तादपण जोडलें.
फायनलींत ताणें कासरपाल हायस्कुलाक एका गुणान हारयलें. फायनल वजरी ग्रामपंचायतीच्या मैदानाचेर जाली.
सर्तींत वट्ट आठ पंगडांनी वांटो घेतिल्लो. ते पयलीं सरपंच अनील शेटयेन सर्तीचें उक्तावण केलें. इनामां भेटवण सुवाळ्याक सरपंच, मुख्याध्यापिका ममता नायक उपसरपंच संजना परब, देवानंद शेटये, कार्तिक नायक, रुपम कांबळी, शमिका नायक, आदली सरपंच संगिता गांवकार, पल्लवी सावंत उपस्थीत आशिल्लीं.
उत्कृश्ट रायडर प्रितेश गांवस, उत्कृश्ट संरक्षक सर्वेश लांबर, उत्कृश्ट खेळगडो म्हणून ओमकार देसाय हांची वैयक्तीक इनामां खातीर निवड जाली. शिस्तीचो पंगड म्हणून चांदेल हायस्कुलाची निवड जाली.
प्रास्तावी, येवकार आनी सुत्रसंचालन विकास आजगांवकारान केलें. रितेश हळर्णकार, विष्णूदास परब, सिद्धू काळे, अर्जुन ठाकूर हांणी पंच म्हणून काम पळयलें.
शारिरीक शिक्षक विष्णू परवारान विशेश मेहनत घेतली. अंकिता चोडणकारान उपकाराचें उलोवप केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
