भांगरभूंय | प्रतिनिधी
पणजी : सडा – वास्को चौकांत जे सुवातेर शिवाजी महाराजांचो पुतळो उबारपाचे आसा ती सुवात मुरगांव बंदर प्राधिकरणाची (एमपीए) आसा. एमपीएच्या मान्यताये बगर उबारपी पुतळो बेकायदेशीर आशिल्ल्यान तो काडून उडोवपाचे आदेश सरकारी यंत्रणांक दिवचे, अशी मागणी करणारी याचिका मुरगांव बंदरान गोंयच्या मुंबय उच्च न्यायालयांत दाखल केल्या.
हे याचिकेचेर फुडल्या सप्तकांत सुनावणी जावपाची शक्यताय आसा. शिवप्रेमी नागरिकांनी सड्यावेले मेकळे सुवातेर शिवाजी महाराजांचो पुतळो उबारपाची तयारी चलयल्या. ह्या पुतळ्याचें शिवजयंती दिसा आयज सांजेवेळार अनावरण जातलें. न्यायालयांत दाखल केल्ले याचिकेक लागून हो पुतळो वादग्रस्त थारतलो.
हो पुतळो खासगी सुवातेर उबारिल्ल्यान तो बेकायदो आसा. मोडपाचे आदेश दक्षिण गोंय जिल्लोधिकारी तशेंच सरकारी यंत्रणांक दिवचे, अशी मागणी याचिकेंत केल्या. हाका लागून पुतळ्याचो प्रस्न आनीक खर जावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
