भांगरभूंय | प्रतिनिधी
मुंबय, खबरां संस्था ः छत्रपती शिवाजी महाराजांचे 12 गड आनी किल्ले तिगोवन दवरपाची मागणी सदांच आसता. संवसारीक इतिहासांतलो राजांचो दायज तिगोवन दवरपा खातीर आतां राज्य सरकारान फुडाकार घेतला.
छत्रपती शिवाजी महाराजांच्या सह्याद्री दोंगरांत जिवो इतिहास आशिल्ल्या मावळ प्रांतांतल्या जु्न्रर हांगा शिवरायांचो जल्म जाल्ल्या शिवनेरी किल्ल्यां पसून स्वराज्याची पयली आनी दुसरी राजधानी आशिल्ल्या राजगड आनी रायगड किल्ल्यां सयत 12 किल्ल्यांक संवसारीक दायज वळेरेंत सुवात मेळची हें खातीर आशिष शेलार हांच्या फुडारपणा खाला महाराष्ट्र सरकाराचें शिश्टमंडळ पॅरिसांत पावलें आनी वर्ल्ड हेरिटेज कमिटीचे वांगडी आनी युनेस्कोंतले भारताचे राजदूत विशाल शर्मा हांची भेट घेतली.
महाराष्ट्र सरकारान ‘मराठा लष्करी भूप्रदेश’ (Maratha Military Landscape of India) हे संकल्पने खाला छत्रपती शिवाजी महाराजांच्या 12 किल्ल्यांचो युनेस्कोच्या संवसारीक दायज थळांच्या वळेरेंत आस्पाव करपाचो प्रस्ताव सादर केला.
रायगड, राजगड, प्रतापगड, पन्हाळा, शिवनेरी, लोहगड, साल्हेर, सिंधुदुर्ग, सुवर्णदुर्ग, विजयदुर्ग, खांदेरी किल्लो आनी तमिळनाडूंतलो जिंजी किल्लो हांचो दायज वळेरेंत आस्पाव जाता.
ह्या शिष्टमंडळाच्या पॅरिस भेटी वरवीं ह्या किल्ल्यांक संवसारीक दायजाचो दर्जो मेळोवपा खातीर गरजेचीं तंत्रीक आनी राजनैतिक सादरीकरणां करतले. हाका लागून छत्रपती शिवाजी महाराजांच्या किल्ल्यांक आनी गडांक संवसारीक मान्यताय मेळपाक मजत जातली. आनी महाराष्ट्राच्या सांस्कृतीक दायजाचें म्हत्व सांबाळपाक आनी वाडोवपाकय मदत जातली, ताका लागून इतिहासीक पर्यटनाक चालना मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
