शिवाजी महाराजांचे विचार आयज लेगीत प्रेरणा दितातः  भावार्थ मांद्रेकार

भांगरभूंय | प्रतिनिधी

भांगरभूंय । प्रतिनिधी
कोरगांवः शिवाजी महाराजांनी आपल्या कृतींतल्यान आर्दश तयार केलो. रयतेच्य मनार अधिराज्य करपी ते व्हडले युगपुरूस आशिल्ल्या. तांच्या जल्मा उपरांत 394 वर्सां जालीं तरी ताचें विचार आयज लेगीत लोकांक प्रेरणा दितात. स्वराज्य, स्त्रीदाक्षिण्य, प्रजाहीत,  दक्षताय, खंबीर प्रशासन, झूजशास्त्र हाचो एकविसाव्या शतमानांत लेगीत वापर जाता. सध्याच्या शासनकर्त्यांनी महाराजांचो आदर्श सामकार दवोरून काम करपाक जाय अशें भावार्थ मांद्रेकार हाणे सांगलें.
छत्रपती शिवाजी महाराज समिती हळर्ण किल्लो हांणी हळर्णच्या इतिहासीक किल्ल्यार तिथी प्रमाण शिवजयंती आयोजीत केल्ली. ह्या वेळार केरीच्या न्यू इंग्लिश हायस्कुलाचो मुख्याध्यापक आनी लेखक भावार्थ मांद्रेकार हांच्या हस्तुकीं शिवप्रतिमा पूजन आनी दिवली पेटोवन कार्यावळीक सुरवात जाली. ह्या वेळार समितीचे वांगडी गुरुदास परब, दत्ता परब, यशवंत हळर्णकार,  कांचन भिडे, गोविंद नायक हाजीर आशिल्ले.
ह्या वेळार शिवकालीन प्रसंगाचेर आदारीत दोन गटांत वेसवण सर्त जाली. तातूंत 30 सर्तकांनी वांटो घेतिल्लो. अ गटांत इशानी विशाल गांवस, नुरवी नरेंद्र राऊळ, अविघ्न नारायण चव्हाण हांणी आनी ब गटांत पूर्वी प्रशांत परब, धनश्री चंद्रकांत नायक, अथर्व गुरुदास शेठ हांणी इनामां मेळयलीं. जैतिवंतांक मानेस्तांचे हस्तुकीं रोख इनामां दिली. अमेय सावंत हांणी सूत्रसंचालन केलें. नेहा शिरोडकारान उपकार मानले.