भांगरभूंय | प्रतिनिधी
भांगरभूंय । प्रतिनिधी
वाळपयः सत्तरी तालुक्यांतलो समाज वावुरपी अॅड शिवाजी देसाय हांका ग्लोबल स्कॉलर्स फावंडेशनाचो प्रतिश्ठेचो वर्साचें व्यक्तिमत्व हो पुरस्कार पुण्यात अण्णभाऊ साठे सभागृहात आयोजीत केल्ले कार्यावळींत पद्मश्री पोपटराव पवार हाचें हस्तुकीं भेटयलो. अॅड देसाय हे एक नामनेचे वक्ते आसात. गोंय, महाराष्ट्र आनी कर्नाटकांत तांणी व्याख्यानां दिल्यांत. शीव व्याख्याते आनी मोटिवेशनल स्पीकर अशी तांची नामना आसा. सामाजीक चववळींत ते सक्रिय आसतात.
सत्तरी इतिहास संवर्धन समितीच्या माध्यमांतल्यान शिवाजी देसाय हांणी नाणूस किल्लो संवर्धनाची चवळव उबी केली आनी क्रांतिवीर दीपाजी राणे आनी दादा राणे हांचो इतिहास तांणी सगल्या सामकार हाडलो. सोशल मीडियाच्या माध्यमांतल्यान ते वेगवेगळ्या विशयांचेर समाज जाग्रुतायेचें काम करतात. कोरोना म्हामारीच्या वेळार तांणी लोकां मदीं जाग्रुताय करपाचें काम केल्ले. गोंय सरकाराचो उत्कृश्ट सामजाकी वावुरपी पुरस्कार, पुण्यातल्या गरूड झेप अकादमीचो इनोव्हेटीव्ह टिचर ऑफ इंडिया पुरस्कार तांका फावो जाला. आमोणे- काणकोण हांगच्या लोकोत्सवांत हिमाचल प्रदेशाचे राज्यपाल राजेंद्र आर्लेकार हांचे हस्तुकीं तांचो भोवमान केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
