भांगरभूंय | प्रतिनिधी
नवी दिल्ली, खबरां संस्था ः भारतीय अंतरिक्ष संशोधन संघटनेन (इसरो) चंद्रयान-3 चंद्राच्या दक्षिण ध्रुवाचेर 23 ऑगस्ट 2023 दिसा येसस्वीपणान देंवयलें. इसरोच्या ह्या मिशनाची फकत भारता कडल्यान न्हय, तर संवसारभरांतल्यान तोखणाय जाली. चंद्राच्या दक्षिण ध्रुवामेरेन पावपी संवसारांतलो पयलो देश भारत थारलो. हाचे उपरांत प्रधानमंत्री नरेंद्र मोदी हांणी इसरोची तोखणाय करतना चंद्रयान-3 जे सुवातेर देंवयलां त्या लँडिंग साईटाक ‘शिवशक्ती’ अशें नांव दिलें. आतां आंतरराश्ट्रीय संघटनेन ह्या नांवाक मान्यताय दिला.
चंद्रयान-3 मिशनाच्या इतिहासीक यशाच्या सात म्हयने उपरांत आंतरराष्ट्रीय खगोलशास्त्रीय संघटणेन आतां प्रधानमंत्री मोदी हांणी दिल्लें ‘शिवशक्ती’ ह्या नांवाक मान्यताय दिल्या. देखून आतां अधिकृतपणान चंद्रयान-3 जंय देंवलें तें सुवातेक संवसारभर ‘शिवशक्ती’ ह्या नांवान वळखतले. देखून ही भारता खातीर व्हड अभिमानाची गजाल आसा.
मजगतीं, शिवशक्ती आनी तिंरगा पॉयंट हीं दोनूय भारतीय नांवां. ते देशाचे प्रधानमंत्री, देखून तांका नांव दिवपाचो अधिकार आसा.
प्रधानमंत्री नरेंद्र मोदी हांणी केल्ल्यो 3 घोशणां…
१. दर वर्सा 23 ऑगस्टाक भारत राष्ट्रीय अंतरिक्ष दीस मनयतलो.
२. लॅंडर चंद्राचेर ज्या जाग्यार देंवलो ताका शिवशक्ती पॉइंट म्हणटले.
३. चंद्राचेर ज्या पॉयटाचेर चंद्रयान-2चे चिन्न आसात, ताका ‘तिरंगा’ अशें नांव दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
