भांगरभूंय | प्रतिनिधी
भांगरभूंय। प्रतिनिधी
फोंडेंः सावर्डें, सांगें आनी कुडचडें हांगच्या थळावे समिती वतीन दर वर्सा तिथी प्रमाण शिवजयंती मनयतात. अंदू शिवजयंतीचो 29 वो उत्सव मनयतले. अदूंची तिथी प्रमाण बिरेस्तार 28 मार्चाक शिवजंयती आसा. त्या दिसा सावड्डें आनी कुडचडें वाठारांत शिव मिरवणूक काडटले. अशी म्हायती धनराज नायक हाणे दिली.
शिवजयंती उत्सवाचे संस्थापक आशिल्ले मिराबाग सावड्डें हांगच्या धनराज नायक हाची उस्तव समितीचो अध्यक्ष म्हणून निवड केल्या. समितीचे बसकेंत उत्सव आयोजना विशीं चर्चा जाली. 29 वर्सां आदीं शिवजयंती उत्सव सुरू केल्लो. दर वर्सा येसस्वीपणान ताचें आयोजन केल्ले खातीर आयोजकांक बसकेंत परबी भेटयलीं. समितीच्या सर्गेस्त वांगड्यांक आर्गां ओपलीं.
उत्सव आयोजीत करपाक वेंचून काडिल्ले समितींत सुधाकर नायक़, अविनाश परुळेकार, सत्यवान देसाय, अनिल सावंत देसाय, देविदास नायक, जितेंद्र नायक, शैलेश नायक, संदीप नायक, अमरेश नायक, उदय नयक, अनिल नायक, लक्ष्मण गांवकार, प्रमोद फडते, सुनील फडते, सुदेश नायक, सज्जन नायक़, अमर नायक,सनीबॉय, समीर नायक, चंदू नायक, गौतम भंडारी, नाना नायक, अंबेश खांडेलवार, दीपक देशपांडे, संदीप भंडारी, राजेश पार्सेकार, प्रजेश गांवकार, सत्यवान नायक, रामू नायक, समीर खानोलकार, सिद्धार्थ भोमकार आनी मंदार नायक हांचो आसपाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
