भांगरभूंय | प्रतिनिधी
पणजी ः शिरगांव लयराई जात्रेंत जाल्ले खेटाखेटींचे फाटभुंयेर प्रशासनान हेल्पलायन क्रमांक जारी केला. हे घडणुकेक लागून संकश्टांत पडपी सामान्य नागरिकांनी हेल्पलायनाचेर संपर्क करचो आनी तांकां रोखडीच मजत मेळटली अशें उत्तर गोंय जिल्लोधिकारी स्नेहा गीते हांणी दिलां.
शिरगांवचे देवी लयराई जात्रे वेळार जाल्ले दुर्दैवी घडणुकेतल्या पिडित लोकांनी उपजिल्होधिकारी आनी उपजिल्लोदंडाधिकारी दिवचले कडेन 91 88065 62152 आनी जिल्लो नियंत्रण कक्ष (उत्तर गोंय) कडेन 00832-2225383 ह्या नंबराचेर संपर्क करचो, अशें जिल्लोधिकारी स्नेहा गीते हांणी परिपत्रक जारी केलां.
पिडित कुटुंबांक आनी भक्तांक गरजेची मजत दिवपाक प्रशासन सदांच तयार आसा, अशें गिते हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
